Dubai Airspace : इराणच्या हल्ल्यांमुळे दुबई आणि UAE च्या हवाई हद्दीतील वाहतूक पूर्णपणे बंद!

Dubai and UAE Close Airspace Amidst Iranian Missile Attacks : इराणकडून गल्फ देशांवर होणारे हल्ले थांबलेले नाहीत. त्यामुळे, ड्रोन आणि मिसाईल हल्ले रोखण्यासाठी दुबई आणि संयुक्त अरब अमिराती (UAE) यांनी आपली हवाई हद्द विमानांसाठी पूर्णपणे बंद केली आहे.

Dubai and UAE Close Airspace Amidst Iranian Missile Attacks : इराणकडून गल्फ देशांवर होणारे क्षेपणास्त्र हल्ले अजूनही सुरूच आहेत. या पार्श्वभूमीवर, ड्रोन आणि मिसाइल्सना हवेतच रोखण्यासाठी दुबई आणि संयुक्त अरब अमिराती (UAE) यांनी आपली हवाई हद्द विमानांसाठी पूर्णपणे बंद केली आहे.

एकीकडे मिसाइलचे तुकडे पडून दुबईत एका व्यक्तीचा मृत्यू झाला आहे. तर दुसरीकडे, कतारनेही आपल्यावरील हल्ले यशस्वीपणे परतवून लावत असल्याचा दावा केला आहे.

तेल प्रकल्प लक्ष्य:

गल्फ देशांमधील ऊर्जा प्रकल्पांना लक्ष्य करत इराणने आपले हल्ले सुरूच ठेवले आहेत. त्यांनी फुजैरा येथील तेल प्रकल्पावर ड्रोन हल्ला केला, ज्यात एका जहाजाचं नुकसान झालं आहे. सुदैवाने, या घटनेत कोणतीही जीवितहानी झालेली नाही.

इराकवरही हल्ला:

इराकमधील इराणच्या समर्थक गटांनी राजधानी बगदादमधील अमेरिकेच्या दूतावासाला लक्ष्य केलं. त्यांनी ४ ड्रोनद्वारे हल्ला करण्याचा प्रयत्न केला, पण तो अयशस्वी ठरला.

घरावरील हल्ल्याचे फोटो शेअर केल्याने तिघे अटकेत

देशावरील इराणच्या हल्ल्यांचे कोणतेही फोटो किंवा व्हिडिओ शेअर करू नयेत, असा आदेश UAE सरकारने नुकताच दिला होता. आता, आपल्याच घरावर झालेल्या हल्ल्याचे फोटो कुटुंबीयांना पाठवल्यामुळे दुबई पोलिसांनी तीन परदेशी नागरिकांना अटक केली आहे.

गेल्या बुधवारी दुबईच्या ग्रीक हार्बर भागातील एका अपार्टमेंटवर इराणने मोठा ड्रोन हल्ला केला होता. या हल्ल्यात अपार्टमेंटचं मोठं नुकसान झालं, पण हे तिघेही सुखरूप बचावले होते. त्यामुळे, आपण जिवंत असल्याची खात्री देण्यासाठी या तिघांनी आपल्या नातेवाईकांना हल्ल्यात नुकसान झालेल्या इमारतीचे फोटो पाठवले. हे प्रकरण समोर येताच दुबई पोलिसांनी तिघांनाही अटक केली.