Donald Trump : डोनाल्ड ट्रम्प यांचा आणखी एक टॅरिफ बॉम्ब, विदेशी औषधांवर 100% टॅरिफ लावणार!

Donald Trump : अमेरिकेचे माजी राष्ट्राध्यक्ष डोनाल्ड ट्रम्प यांनी आणखी एक मोठा निर्णय घेतला आहे. त्यांनी घोषणा केली आहे की आता परदेशातून येणाऱ्या औषधांवर 100% शुल्क आकारले जाईल. हा नवीन नियम 1 ऑक्टोबर 2025 पासून लागू होईल. 

100% Tariff On Pharmaceutical Drugs: अमेरिकेचे राष्ट्राध्यक्ष डोनाल्ड ट्रम्प यांनी आणखी एक मोठी घोषणा केली आहे. त्यांनी म्हटले आहे की परदेशातून येणाऱ्या सर्व औषधांवर 100% शुल्क आकारले जाईल. हा नियम 1 ऑक्टोबर 2025 पासून लागू होईल. ट्रम्प यांनी सोशल मीडियावर एक पोस्ट शेअर करत लिहिले की, जर एखादे औषध अमेरिकेत बनवले नसेल, तर त्यावर 100% शुल्क लावले जाईल. हा नियम ब्रँडेड आणि पेटंटेड दोन्ही प्रकारच्या औषधांवर लागू होईल.

परदेशातून येणाऱ्या औषधांवर 100% शुल्क

अमेरिकेचे राष्ट्राध्यक्ष डोनाल्ड ट्रम्प यांनी औषधांव्यतिरिक्त इतर अनेक विदेशी वस्तूंवरही मोठा कर लावण्याची घोषणा केली आहे. त्यांनी सांगितले की, आता अमेरिकेत किचनमधील वस्तू आणि बाथरूम व्हॅनिटीवर 50%, फर्निचरवर 30% आणि अवजड ट्रक्सवर 25% शुल्क आकारले जाईल. ट्रम्प यांचे म्हणणे आहे की, परदेशातून येणाऱ्या या वस्तूंमुळे अमेरिकन कंपन्यांचे नुकसान होत आहे. अवजड ट्रक आणि त्यांचे सुटे भाग देखील आपल्या उत्पादकांना कमकुवत करत आहेत. त्यामुळे राष्ट्रीय सुरक्षा आणि देशांतर्गत उद्योगांच्या संरक्षणासाठी शुल्क लावणे आवश्यक आहे.

ट्रम्प यांचा हा निर्णय उलटण्याची शक्यता

व्हाइट हाऊसच्या मागील व्यापार धोरणे आणि आयात करांच्या घोषणांनंतर काही आठवड्यांतच राष्ट्राध्यक्ष ट्रम्प यांनी नवीन शुल्क लागू करण्याची घोषणा केली आहे. एपीच्या वृत्तानुसार, ट्रम्प यांचा विश्वास आहे की या निर्णयामुळे अमेरिकेची तूट कमी होईल आणि देशात बनवलेल्या वस्तूंना प्रोत्साहन मिळेल. परंतु, अनेक तज्ज्ञांचे म्हणणे आहे की हा निर्णय उलटही ठरू शकतो. त्यांचा युक्तिवाद आहे की यामुळे महागाई आणखी वाढेल आणि आर्थिक विकासावर परिणाम होईल.