Contract Marriage: इथे 15 दिवसांसाठीच करतात लग्न, मग घटस्फोटाशिवाय होतात वेगळे!

Contract Marriage: इंडोनेशियामध्ये एक विचित्र प्रथा आहे, जिथे लोक फक्त काही दिवसांसाठी किंवा आठवड्यांसाठी लग्न करतात. हे कॉन्ट्रॅक्ट संपलं की घटस्फोट किंवा पोटगीशिवाय वेगळे होतात. या प्रथेमागे अनेक सामाजिक आणि आर्थिक कारणं आहेत, चला जाणून घेऊया.

लग्न

भारतात लग्न हे एक पवित्र नातं आहे. सुख-दुःखात आयुष्यभर एकमेकांना साथ देण्याचं वचन नवरा-बायको घेतात. इथे घटस्फोटाचे प्रमाण वाढले असले तरी त्यासाठी एक कायदेशीर प्रक्रिया आहे आणि पत्नीला पोटगीही मिळते. पण इंडोनेशियामध्ये याच्या अगदी उलट आहे. तिथे लोक हवे तितके वेळा लग्न करू शकतात. यासाठी कोणताही वेगळा कायदा नाही आणि विभक्त झाल्यावर पत्नीला पोटगी देण्याचीही गरज नाही. हे लग्न एका 'कॉन्ट्रॅक्ट'सारखं असतं.

इंडोनेशियाचा निकाह मुता'..

इंडोनेशिया हा पर्यटनासाठी जगभर प्रसिद्ध आहे. इथल्या काही भागांमध्ये, विशेषतः पुंचक (Puncak) सारख्या डोंगराळ प्रदेशात, 'कॉन्ट्रॅक्ट मॅरेज'ची प्रथा मोठ्या प्रमाणात चालते. यामागे अनेक सामाजिक आणि आर्थिक कारणं आहेत. या प्रथेला 'निकाह मुता' (Nikah Mut'ah) असं म्हणतात. अरबी भाषेत 'मुता' म्हणजे आनंद किंवा सुख. हा एक तात्पुरता विवाह करार असतो. म्हणजे, लग्न करण्यापूर्वीच किती काळ एकत्र राहायचं, हे दोघे मिळून ठरवतात आणि तो कालावधी संपला की वेगळे होतात.

पर्यटकांशी लग्न

या भागात, विशेषतः मध्य पूर्वेतून (Middle East) येणारे पर्यटक सुट्टीसाठी आल्यावर स्थानिक महिलांशी लग्न करतात. ते इथे असेपर्यंत ती महिला त्यांची पत्नी म्हणून राहते. परत जाताना, पर्यटक त्या महिलेला पत्नी म्हणून सेवा दिल्याबद्दल पैसे देऊन निघून जातात. काही लोक याला वेश्याव्यवसायच मानतात. या लग्नांना इंडोनेशियाच्या कायद्यात कोणतीही मान्यता नाही. यातून जन्माला आलेल्या मुलांना वडिलांच्या संपत्तीत हक्क मिळत नाही आणि पत्नीला पोटगीही मिळत नाही. गरिबी हे यामागील प्रमुख कारण आहे. एका लग्नासाठी महिलांना सुमारे $300 ते $500 मिळतात. अनेक मानवाधिकार आणि महिला संघटना या प्रथेवर बंदी घालण्यासाठी इंडोनेशिया सरकारवर दबाव टाकत आहेत.