Austria School Firing ऑस्ट्रियातील शाळेत गोळीबार, एकूण 10 ठार, हल्लेखोराने आत्महत्या केल्याचा संशय

ऑस्ट्रियातील ग्राझ येथील BORG Dreierschützengasse शाळेत मंगळवारी झालेल्या गोळीबारात अनेक जण जखमी झाले. पोलिसांनी सांगितले की संशयित बंदूकधाऱ्याने आत्महत्या केली असावी. सध्या मोठ्या प्रमाणावर बचावकार्य सुरू आहे.

ऑस्ट्रियातील ग्राझ शहरातील एका शाळेत मंगळवारी एका दुर्दैवी घटनेत एका बंदूकधाऱ्याने गोळीबार केल्याने किमान ८ जणांचा मृत्यू झाला आणि अनेक जण जखमी झाले. बीबीसीच्या वृत्तानुसार, ही गोळीबार शहरातील एक माध्यमिक शाळा BORG Dreierschützengasse येथे झाला.

एपीच्या वृत्तानुसार, ऑस्ट्रियन गृहमंत्रालयाने सांगितले की ग्राझ शहरातील एका शाळेत किमान ८ जणांचा मृत्यू झाला आहे.

गोळीबारामुळे दहशत, आपत्कालीन सेवा सतर्क

दुपारी सुमारे बारा वाजता गोळीबार झाल्याचे वृत्त आल्यानंतर ऑस्ट्रियन पोलिस आणि आपत्कालीन सेवांनी त्वरित प्रतिसाद दिला. पोलिस प्रवक्ते फ्रिट्झ ग्रंडनिग यांच्या म्हणण्यानुसार, जखमी आणि मृतांची संख्या अद्याप निश्चित झालेली नाही. "बचावकार्य अद्याप सुरू आहे. परिसर सुरक्षित करण्यात आला आहे," असे ग्रंडनिग यांनी ऑस्ट्रियाच्या राष्ट्रीय प्रसारक ORF ला सांगितले.

संशयित गोळीबार करणाऱ्याने आत्महत्या केली असावी

स्थानिक माध्यमांच्या वृत्तानुसार, संशयित गोळीबार करणाऱ्याने आत्महत्या केली असावी. पोलिसांनी अद्याप बंदूकधाऱ्याची ओळख किंवा त्यामागील हेतू उघड केलेला नाही. सर्व विद्यार्थी आणि कर्मचाऱ्यांच्या सुरक्षिततेसाठी अधिकारी शाळेच्या परिसराची सखोल तपासणी करत आहेत.

पालक, समुदाय हादरले

या घटनेने ग्राझ समुदाय हादरला आहे, चिंतेत असलेले पालक आपल्या मुलांबद्दलच्या बातम्यांसाठी शाळेबाहेर जमा झाले आहेत. तपास आणि बचावकार्य सुरू असताना लोकांना त्या परिसरापासून दूर राहण्यास सांगण्यात आले आहे.

सर्वसाधारणपणे कडक शस्त्र कायदे असलेल्या ऑस्ट्रियामध्ये ही हिंसाचाराची दुर्मिळ पण अतिशय दुःखद घटना आहे. बीबीसीच्या वृत्तानुसार, ऑस्ट्रियन गृहमंत्रालय अधिक माहिती देण्यासाठी पत्रकार परिषद घेणार आहे. तपास सुरू असताना पोलिसांनी माहिती किंवा फुटेज असलेल्या कोणालाही पुढे येण्याचे आवाहन केले आहे.