Artemis II: अंतराळातून पृथ्वी दिसते तरी कशी? पाहा NASA ने प्रसिद्ध केलेले फोटो

Artemis II: नासाच्या आर्टेमिस 2 मोहिमेतील अंतराळवीरांनी जवळपास 50 वर्षांनी चंद्राच्या दिशेने प्रवास सुरू केला आहे. हा प्रवास करताना अंतराळातून आपल्या पृथ्वीचे काही अद्भुत फोटो त्यांनी पाठवले आहेत. हे फोटो सध्या चर्चेचा विषय ठरले आहेत.

नासाची आर्टेमिस 2 मोहीम

नासा आणि इस्रोने याआधीही अंतराळातून पृथ्वीचे अनेक फोटो काढले आहेत. आता नासाची आर्टेमिस २ मोहीम चंद्राच्या दिशेने निघाली आहे. या प्रवासादरम्यान अंतराळवीरांनी पृथ्वीचा हा सुंदर फोटो पाठवला आहे, जो सर्वांचे लक्ष वेधून घेत आहे.

नासाने शेअर केले दोन फोटो

आर्टेमिस 2 मोहिमेचे अंतराळवीर 'ओरायन कॅप्सूल' या यानातून प्रवास करत आहेत. नासाने शेअर केलेल्या दोन फोटोंपैकी हा पहिला फोटो आहे. यात यानाच्या खिडकीतून पृथ्वीचा काही भाग दिसत आहे.

दुसऱ्या फोटोमध्ये संपूर्ण पृथ्वी

दुसऱ्या फोटोमध्ये संपूर्ण पृथ्वी दिसत आहे. निळ्या रंगाच्या पृथ्वीवर पांढऱ्या ढगांची चादर पसरलेली दिसते. काही ठिकाणी हिरवागार भागही दिसतोय. संशोधकांसाठी अभ्यासाच्या दृष्टीने हा फोटो खूप महत्त्वाचा आहे.

मिशन कमांडर रीड वाइसमन यांचा अनुभव

मिशन कमांडर रीड वाइसमन यांनी आपला अनुभव शेअर केला आहे. ते म्हणाले, 'आपलं घर, आपली पृथ्वी इतक्या उंचीवरून पाहणं खूप आनंददायक आहे. सूर्याच्या प्रकाशात ती खूप सुंदर चमकत आहे.'

आर्टेमिस 2 मोहीमेबद्दल...

आर्टेमिस 2 मोहीम सुमारे 10 दिवस चालणार आहे. 1 एप्रिल रोजी चार अंतराळवीरांची टीम या प्रवासाला निघाली. ही टीम चंद्राला जवळून प्रदक्षिणा घालून परत येणार आहे, ते चंद्रावर उतरणार नाहीत. लवकरच ही टीम चंद्राजवळचे फोटोही पाठवेल अशी अपेक्षा आहे.