Apple: X वर जवळपास १ कोटी फॉलोअर्स, पण १५ वर्षांत एकही पोस्ट नाही!

सोशल मीडियावर यशस्वी व्हायचं असेल तर एक साधा नियम आहे - नियमित पोस्ट करा आणि लोकांमध्ये मिसळा. पण ॲपलने हा नियमच धुडकावून लावलाय. X वर त्यांचे जवळपास १ कोटी फॉलोअर्स आहेत, पण गंमत म्हणजे त्यांनी आजपर्यंत एकही पोस्ट केलेली नाही.

सोशल मीडियावर चालण्याचा एक ठरलेला फॉर्म्युला आहे: नियमित पोस्ट करा, लोकांच्या कमेंट्सना उत्तरं द्या आणि अल्गोरिदमला खुश ठेवा. पण जगातली मोठी टेक कंपनी असलेल्या ॲपलने (Apple) मात्र हे सगळं बासनात गुंडाळून ठेवलंय. X (पूर्वीचं ट्विटर) वर ॲपलच्या अधिकृत हँडलचे, @Apple, जवळपास १ कोटी फॉलोअर्स आहेत, पण आश्चर्याची गोष्ट म्हणजे या अकाऊंटवरून आजपर्यंत एकही सार्वजनिक पोस्ट केलेली नाही.

या अकाऊंटवर गेल्यास तुम्हाला प्रॉडक्ट लाँच किंवा जाहिरातींऐवजी एक रिकामा टाइमलाइन दिसेल. एक साधी ग्रे रंगाची हेडर इमेज, एक साधा प्रोफाइल फोटो आणि त्यावर ठळकपणे लिहिलेलं '0 Posts'.

मग प्रश्न पडतो की, इतर ब्रँड्स जे करतात, ते काहीही न करता ॲपलने एवढे फॉलोअर्स मिळवले कसे?

ॲपल X वर पूर्णपणे गायब नाहीये

जरी @Apple अकाऊंटवरून थेट पोस्ट केल्या जात नसल्या, तरी कंपनी X प्लॅटफॉर्मचा वापर पेड प्रमोशन आणि जाहिरात मोहिमांसाठी करते. म्हणजेच, ॲपलने हे प्लॅटफॉर्म सोडलेलं नाही, फक्त ते आपल्या अटींवर वापरत आहे.

सतत काहीतरी पोस्ट करून चर्चेत राहण्याच्या पारंपरिक सोशल मीडिया स्ट्रॅटेजीपेक्षा हा दृष्टिकोन खूपच वेगळा आहे.

ॲपल सपोर्ट मात्र लोकांच्या मदतीला धावून येतं

ॲपलचं मुख्य अकाऊंट शांत असलं तरी, त्यांची इतर हँडल्स खूप सक्रिय आहेत.

त्यांचं @AppleSupport हे सपोर्ट अकाऊंट नियमितपणे लोकांना येणाऱ्या अडचणींवर उपाय सांगतं आणि ग्राहकांच्या प्रश्नांना उत्तरं देतं. या अकाऊंटचेही लाखो फॉलोअर्स आहेत.

इतकंच नाही, तर ॲपलचे सीईओ टिम कुक (Tim Cook) यांच्यासारखे मोठे अधिकारीही त्यांच्या वैयक्तिक अकाऊंटवरून कंपनीचे अपडेट्स, नवीन प्रॉडक्ट्सची माहिती आणि वैयक्तिक मतं शेअर करत असतात.

नेटकऱ्यांना बसला आश्चर्याचा धक्का

जगातील सर्वात मोठ्या ब्रँडपैकी एकाने एकही पोस्ट न करता एवढे फॉलोअर्स मिळवल्याचं पाहून सोशल मीडिया यूजर्सना आश्चर्य वाटत आहे.

एका युझरने लिहिलं, "एक गंमत माहितीये का? ॲपलने X वर आजपर्यंत एकही ट्विट केलेलं नाही."

twitter"="" target="_blank">

"एक गंमत: ॲपलने X वर कधीच एकही ट्विट केलेलं नाही" pic.twitter.com/LmWeIPAXxu

— Aizen (@TechyAizen) ४ सप्टेंबर, २०२६

दुसऱ्या एका युझरने कमेंट केली, "एवढ्या मोठ्या कंपनीसाठी हे खरंच अविश्वसनीय आहे. त्यांनी जणू काही असं म्हटलंय की, 'आम्हाला सोशल मीडियाच्या हाइपची गरज नाही. आम्ही प्रॉडक्ट लाँच करतो आणि जग त्यावर आपोआप बोलतं.'"

एका तिसऱ्या युझरने तर एका रिकाम्या दुकानाचा व्हिडिओ शेअर करत लिहिलं, "ट्विटरवर @Apple हे एकमेव अकाऊंट आहे ज्याचे जवळपास १ कोटी फॉलोअर्स आहेत आणि त्यांनी कधीच एकही ट्विट केलेलं नाही‼️‼️" यावरून ॲपलची सोशल मीडियावरील उपस्थिती किती असामान्य आहे, हे दिसून येतं.

@Apple हे ट्विटरवरील एकमेव अकाऊंट आहे ज्याचे जवळपास १० मिलियन फॉलोअर्स आहेत आणि त्यांनी कधीच ट्विट केले नाही‼️‼️ pic.twitter.com/MdqIhJmbXi

— DJ_DRAMA🥏 (@THEETROLLPAPI) ९ सप्टेंबर, २०२६