new smartphone : iPhone ते Oppo Find X9 Ultra; 2026 मध्ये 'हे' स्मार्टफोन्स लॉन्च होणार

new smartphone : 2026 च्या सुरुवातीला कोणते प्रमुख स्मार्टफोन्स बाजारात येणार आहेत? तर Apple, Samsung, Motorola, Oppo आणि Vivo या ब्रँड्सचे हे मोबाईल लवकरच लाँच होणार आहेत. 

new smartphone : स्मार्टफोन प्रेमींसाठी 2026 हे वर्ष खूप उत्सुकतेचे असणार आहे. यातील काही मोबाईल नवीन वर्षाच्या सुरुवातीलाच बाजारात येतील. Apple चा iPhone 17E हा त्यापैकीच एक मॉडेल आहे. आतापर्यंत मिळालेल्या माहितीनुसार, 2026 च्या सुरुवातीला बाजारात येणारे प्रमुख स्मार्टफोन्स कोणते आहेत ते पाहूया.

2026 च्या सुरुवातीला लाँच होणारे फोन्स - 

1. आयफोन 17E (iPhone 17E) -

Apple चा बजेट-फ्रेंडली स्मार्टफोन म्हणून ओळखला जाणारा iPhone 17E, फेब्रुवारी/मार्च 2026 मध्ये बाजारात दाखल होण्याची शक्यता आहे, असे रिपोर्ट्स सांगतात. Apple ने अद्याप याची पुष्टी केली नसली तरी, ही लाँच टाइमलाइन जवळपास निश्चित मानली जात आहे. Elek च्या रिपोर्टनुसार, iPhone 17E मध्ये iPhone 16E प्रमाणेच OLED पॅनल असेल. या फोनमध्ये iPhone 17 लाइनअपचा A19 प्रोसेसर आणि डायनॅमिक आयलँड मिळण्याची शक्यता आहे. तर, iPhone Air 2, iPhone 18 Pro, iPhone 18 Pro Max आणि iPhone Fold सप्टेंबर 2026 मध्ये, तर iPhone 18 आणि iPhone 18E मार्च 2027 मध्ये बाजारात येण्याची शक्यता आहे.

2. सॅमसंग गॅलेक्सी S26 सीरीज (Samsung Galaxy S26 series) -

आणखी एक प्रमुख स्मार्टफोन निर्माता कंपनी सॅमसंग देखील 2026 च्या सुरुवातीला आपली नवीन सीरीज लाँच करेल. गेल्या काही वर्षांपासून सॅमसंगचे प्रमुख लाँच जानेवारीत होत असले तरी, आता समोर आलेल्या लीक्सनुसार, गॅलेक्सी S26 सीरीज फेब्रुवारी 2026 मध्ये सादर केली जाईल. गॅलेक्सी अनपॅक्ड इव्हेंट फेब्रुवारीच्या मध्यात होण्याची शक्यता आहे. फेब्रुवारीच्या अखेरीस किंवा मार्चच्या सुरुवातीला हे फोन्स ग्राहकांच्या हातात येतील. कॅमेरा-केंद्रित गॅलेक्सी S26 अल्ट्रा या सीरीजचे मुख्य आकर्षण असेल. तर, गॅलेक्सी Z Fold 8 आणि Flip 8 हे फोन्स जुलै 2026 मध्ये लाँच होण्याची शक्यता आहे.

3. गूगल पिक्सल 10a (Google Pixel 10a) - 

गूगलचा मिड-रेंज स्मार्टफोन पिक्सल 10a हा मार्च 2026 मध्ये जागतिक स्तरावर सादर केला जाईल. रिपोर्ट्सनुसार, गूगल पिक्सल 10a ची लाँच तारीख 10 ते 20 मार्च दरम्यान असेल. भारतात हा फोन मार्चच्या अखेरीस किंवा एप्रिलच्या सुरुवातीला येण्याची अपेक्षा आहे. पिक्सल 9a चा उत्तराधिकारी असलेला हा फोन Tensor G4 चिपसेटसह येईल, अशी अपेक्षा आहे.

4. मोटोरोला रेझर 2026 (Motorola Razr 2026) -

Motorola Razr 2026, Razr Plus 2026 आणि Razr Ultra 2026 हे तीन स्मार्टफोन मॉडेल्स बाजारात येणार आहेत. यापैकी किमान एक रेझर मॉडेल एप्रिल/मे 2026 मध्ये बाजारात येईल अशी अपेक्षा आहे. तर, Motorola Razr Ultra 2026 ऑगस्ट/सप्टेंबर महिन्यात लाँच होण्याची शक्यता आहे. या तीनही रेझर फोन्समधील फरक चिपसेटची शक्ती, कव्हर स्क्रीनचा आकार, किंमत आणि कॅमेरा यामध्ये असेल.

5. विवो एक्स300 अल्ट्रा (Vivo X300 Ultra) -

Vivo X300 Ultra हा विवोचा टॉप-व्हेरियंट फोन मॉडेल आहे, जो ड्युअल 200-मेगापिक्सल कॅमेऱ्यासह सादर केला जाईल अशी अपेक्षा आहे. हा फोन मार्च 2026 मध्ये लाँच होऊ शकतो. लीक्सनुसार, 200MP मुख्य कॅमेरा, 200MP पेरिस्कोप टेलीफोटो लेन्स, स्नॅपड्रॅगन 8 एलीट जेन 5 चिप आणि फास्ट चार्जिंगसह Vivo X300 Ultra जागतिक स्तरावर लाँच करण्याची तयारी सुरू आहे. हा फोन Vivo X200 Ultra चा उत्तराधिकारी म्हणून बाजारात येईल.

6. ओप्पो फाइंड एक्स9 अल्ट्रा (Oppo Find X9 Ultra)

Oppo Find X9 Ultra हा फ्लॅगशिप फोन एप्रिल 2026 मध्ये सादर होण्याची शक्यता आहे. Oppo Find X9 Ultra मध्ये 7000mAh ची शक्तिशाली बॅटरी, स्नॅपड्रॅगन 8 एलीट जेन 5 चिप आणि 200MP मुख्य कॅमेऱ्यासह ऑप्टिकल अपग्रेड अपेक्षित आहे. Find X9 आणि Find X9 Pro हे 2025 च्या अखेरीस लाँच झाले असले तरी, अल्ट्रा मॉडेलचे लाँचिंग 2026 पर्यंत पुढे ढकलण्यात आले होते.