अनेकदा कन्स्ट्रक्शन साइट किंवा फॅक्टरीत कामगारांना वेगवेगळ्या रंगाचे हेल्मेट घातलेलं पाहिलं असेल. पण प्रत्येक रंगाच्या हेल्मेटचा एक विशिष्ट अर्थ असतो? पांढऱ्या, पिवळ्या, निळ्या, हिरव्या आणि लाल रंगाचे हेल्मेट कोण घालतात आणि त्यांची जबाबदारी काय असते?
पांढऱ्या रंगाचं हेल्मेट (White Helmet) सहसा इंजिनिअर्स, साइट मॅनेजर आणि वरिष्ठ अधिकारी घालतात. ते कन्स्ट्रक्शनच्या कामावर लक्ष ठेवतात आणि सुरक्षेची खात्री करतात. पांढरा रंग स्वच्छता आणि शिस्तीचा प्रतीक मानला जातो. जर साइटवर काही तांत्रिक अडचण आली, तर इतर कर्मचाऱ्यांना या पांढऱ्या हेल्मेटमुळे इंजिनिअरला ओळखायला सोपे जाते.
25
पिवळ्या रंगाचं हेल्मेट.. कामगारांची ओळख
पिवळ्या रंगाचं हेल्मेट (Yellow Helmet) बहुधा कन्स्ट्रक्शन साइटवर काम करणारे मजूर आणि कामगार वापरतात. त्यांच्यावर सिमेंट मिक्स करणे, विटा वाहणे, मशीनजवळ काम करणे अशी जड कामे असतात. पिवळा रंग खूप ठळक असल्यामुळे दूरवरूनही कामगाराला सहज ओळखता येतं. कमी प्रकाशातही हा रंग सहज दिसतो.
35
निळ्या रंगाचं हेल्मेट.. टेक्निशियन्ससाठी
निळ्या रंगाचं हेल्मेट (Blue Helmet) साधारणपणे टेक्निशियन्स, इलेक्ट्रिशियन आणि मशीन ऑपरेटर्स यांना दिलं जातं. फॅक्टरीत मशीन्सची दुरुस्ती आणि देखभालीचं काम हे लोक करतात. एखादी मशीन बिघडली किंवा तांत्रिक बिघाड झाला तर निळ्या रंगाच्या हेल्मेटमुळे या तज्ज्ञांना सहज ओळखता येतं.
हिरव्या रंगाचं हेल्मेट.. सुरक्षा अधिकाऱ्यांचे प्रतीक
हिरव्या रंगाचं हेल्मेट (Green Helmet) मुख्यत: सुरक्षा अधिकारी (HSE - Health, Safety and Environment) घालतात. कामगार सुरक्षेचे नियम पाळत आहेत की नाही, याची खात्री करणं ही त्यांची जबाबदारी असते. हिरवा रंग निसर्ग आणि सुरक्षेचा प्रतीक आहे, त्यामुळे या अधिकाऱ्यांना तो दिला जातो.
55
लाल आणि तपकिरी हेल्मेट.. आपत्कालीन पथक आणि वेल्डर्स
लाल रंगाचं हेल्मेट (Red Helmet) सहसा फायर सेफ्टी टीम किंवा आपत्कालीन प्रतिसाद पथक वापरतात. लाल रंग धोक्याचा आणि सावधगिरीचा इशारा देतो. आग लागल्यास त्यांना लगेच ओळखता येतं. तपकिरी रंगाचं हेल्मेट (Brown Helmet) वेल्डिंग करणारे किंवा उच्च तापमानात काम करणारे कामगार घालतात. त्यांना अतिरिक्त संरक्षणाची गरज असते. रंगानुसार ओळख सोपी होते, पण हेल्मेटचा खरा उपयोग सुरक्षेसाठीच असतो.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
