आता विदेशात जा, फक्त 11 रुपयांत.. चहापेक्षाही कमी पैशांत विमान प्रवास झालाय शक्य!

VietJet Offers 11 Rupee Flights : व्हिएतजेट एअरलाइन कंपनी भारतातून व्हिएतनामच्या प्रमुख शहरांसाठी फक्त ₹११ मध्ये अविश्वसनीय दरात एकेरी प्रवासाची विमान तिकिटे देत आहे.

VietJet Offers 11 Rupee Flights : आजच्या काळात ११ रुपयांत एक कप चहा मिळणेही कठीण आहे. पण व्हिएतनामची व्हिएतजेट एअरलाइन कंपनी आंतरराष्ट्रीय विमान प्रवासाची तिकिटे फक्त ११ रुपयांत देत आहे. हे एकेरी प्रवासाचे तिकीट असून, कर आणि इतर शुल्क वेगळे भरावे लागतील.

भारतातून आंतरराष्ट्रीय प्रवास

ही तिकिटे नवी दिल्ली, मुंबई, अहमदाबाद, हैदराबाद, बंगळूरु, कोची या भारतीय शहरांमधून हनोई, हो ची मिन्ह, डा नांग यांसारख्या व्हिएतनामच्या शहरांसाठी वैध आहेत. प्रवासी [www.vietjetair.com](http://www.vietjetair.com) किंवा व्हिएतजेट एअर ॲपवर नोंदणी करून तिकिटे खरेदी करू शकतात.

ऑफर्सचा कालावधी आणि प्रवासाचा कालावधी

ही ११ रुपयांची तिकिटे २९ ते ३१ ऑक्टोबर दरम्यान बुक करावी लागतील. हा प्रवास १ डिसेंबर २०२५ ते २७ मे २०२६ पर्यंत वैध असेल. या ऑफरमध्ये फक्त इकॉनॉमी क्लासचा समावेश आहे.

स्कायपास प्रकारातील सवलत

बिझनेस आणि स्कायबॉस क्लासची तिकिटे महिन्याच्या २ आणि २० तारखेला २०% सवलतीत उपलब्ध असतील.

व्हिएतनामचे नैसर्गिक सौंदर्य

तुम्ही व्हिएतनामचे समुद्रकिनारे, ऐतिहासिक स्थळे आणि सांस्कृतिक केंद्रांचा कमी खर्चात आनंद घेऊ शकता. ही ऑफर केवळ भारतीयांनाच नव्हे, तर जगभरातील पर्यटकांना आकर्षित करणारी आहे. तुम्ही याचा कमी खर्चात आनंद घेऊ शकता.