जानेवारीत लावा आणि मार्चमध्ये काढा: घरी लगेच उगवणाऱ्या कोणत्या आहेत या 5 भाज्या

नवीन वर्षाचा पहिला महिना जानेवारी.  अनेक झटपट वाढणाऱ्या भाज्यांसाठी उत्तम असतो. तुम्हाला तुमच्या किचन गार्डनमध्ये हिरव्यागार भाज्या लावायच्या असतील, तर आम्ही तुम्हाला जानेवारीत पेरता येणाऱ्या ५ भाज्यांबद्दल सांगत आहोत, ज्या मार्चपर्यंत तयार होतात.

थंडीच्या दिवसात वेगाने वाढतो

पालक

थंडीच्या दिवसात पालक वेगाने वाढतो. जानेवारी महिन्यात हलकी थंडी असते, अशावेळी तुम्ही कुंडीत किंवा वाफ्यात दोन्ही ठिकाणी सहजपणे पालक लावू शकता आणि मार्चपर्यंत दोन ते तीन वेळा त्याची पाने काढू शकता.

कंटेनर किंवा मातीच्या कुंडीतही लावू शकता अशी भाजी

मेथी

मेथी ही सर्वात लवकर वाढणाऱ्या भाज्यांपैकी एक आहे, जी थंड हवामानात २५ ते ३० दिवसांत काढणीसाठी तयार होते. तुम्ही जानेवारीत तिची पेरणी केल्यास मार्चपर्यंत दोनदा काढणी करू शकता. ती लहान कंटेनर किंवा मातीच्या कुंडीतही लावता येते.

३० ते ३५ दिवसांत तयार होते कोथिंबीर

कोथिंबीर

कोथिंबीर देखील हलक्या थंड हवामानात चांगली वाढते. तुम्ही जानेवारीत कोथिंबिरीचे बी पेरल्यास मार्चपर्यंत तुम्हाला भरपूर हिरवी आणि ताजी कोथिंबीर मिळेल. ती ३० ते ३५ दिवसांत तयार होते, तिला फक्त हलके ऊन आणि पाण्याची गरज असते.

४५ ते ५० दिवसांत मिळेल ताजा मुळा

मुळा

मुळा ही एक कंदमूळ भाजी असली तरी ती लवकर तयार होते. तुम्ही जानेवारीत मुळ्याचे बी पेरल्यास ४५ ते ५० दिवसांत तुम्हाला ताजा मुळा मिळेल. तुम्ही त्याच्या पानांचा वापर भाजी करण्यासाठी देखील करू शकता.

पातीचा कांदा

पातीचा कांदा

स्प्रिंग अनियन किंवा पातीचा कांदा देखील खूप लवकर वाढतो. तुम्ही जानेवारीत मूळ किंवा बियांच्या मदतीने पातीचा कांदा लावल्यास, तो ४० ते ४५ दिवसांत पूर्णपणे तयार होईल आणि मार्चपर्यंत तुम्हाला हिरवागार आणि ताजा पातीचा कांदा मिळेल. ज्याचा वापर तुम्ही भाजी किंवा सॅलडमध्ये करू शकता.