Vastu Tips: घरात उंटाची मूर्ती ठेवणे चांगले की वाईट? वास्तुशास्त्र काय सांगते?

Vastu Tips: आपण घरात सजावटीसाठी अनेक प्रकारच्या मूर्ती ठेवतो. पण वास्तुशास्त्रानुसार काही मूर्ती घरात ठेवल्याने घराची परिस्थिती पूर्णपणे बदलू शकते. त्यापैकी एक म्हणजे उंटाची मूर्ती. ही मूर्ती घरात ठेवल्याने सकारात्मक ऊर्जा येते आणि शुभ गोष्टी घडतात

वास्तुशास्त्र आणि उंट

वास्तु तज्ज्ञांच्या मते, उंट हे सहनशीलता आणि स्थिरतेचं प्रतीक आहे. तो वाळवंटात अनेक अडचणींवर मात करून, पाण्याशिवाय आणि अन्नाशिवाय बराच काळ प्रवास करतो. म्हणूनच, घरात उंटाची मूर्ती ठेवल्यास सहनशीलता, स्थिरता आणि यश मिळतं. ज्यांच्या आयुष्यात समस्या आहेत किंवा करिअर-व्यवसायात अडथळे येत आहेत, त्यांना या मूर्तीमुळे मानसिक धैर्य मिळतं आणि सकारात्मक परिणाम दिसतात.

उंटाची मूर्ती कोणत्या दिशेला ठेवावी?

उंटाची मूर्ती घरात ठेवताना योग्य दिशा निवडणं महत्त्वाचं आहे. उत्तर-पश्चिम दिशा या मूर्तीसाठी सर्वोत्तम मानली जाते. या दिशेला मूर्ती ठेवल्यास घरात सकारात्मक ऊर्जा वाहते आणि कुटुंबातील सदस्यांमध्ये प्रेम वाढतं. तसेच, उत्तर किंवा पूर्व दिशेला ठेवल्यासही संपत्ती आणि विकासात वाढ होते, असं मानलं जातं.

उंटाची मूर्ती कोणत्या खोलीत ठेवावी?

उंटाची मूर्ती कोणत्या खोलीत ठेवावी, याबाबतही वास्तुशास्त्रात सूचना आहेत. साधारणपणे, ही मूर्ती लिव्हिंग रूम किंवा ड्रॉईंग रूममध्ये ठेवणं चांगलं मानलं जातं. यामुळे घरी येणाऱ्या पाहुण्यांनाही ती आकर्षक दिसते आणि घरातील संपूर्ण वातावरण सकारात्मक राहतं. पण ही मूर्ती बेडरूम, बाथरूम, जिन्याखाली किंवा थेट जमिनीवर ठेवू नये. अशा ठिकाणी उंटाची मूर्ती ठेवणं अशुभ मानलं जातं.

दोन उंट एकत्र का ठेवावेत?

वास्तुशास्त्रानुसार, उंटाची मूर्ती एकटी ठेवण्याऐवजी जोडीने ठेवणं अधिक चांगलं असतं. दोन उंट एकत्र असणं हे कौटुंबिक एकता आणि भागीदारीतील यशाचं प्रतीक मानलं जातं. जे लोक व्यवसाय करतात, त्यांनी ऑफिस किंवा घरात उंटांच्या जोडीची मूर्ती ठेवल्यास व्यवसायात चांगली प्रगती होते. नोकरी करणाऱ्यांना करिअरमध्ये प्रगती साधता येते. ही मूर्ती तांबे, पोर्सिलेन, लाकूड, दगड किंवा रेझिनपासून बनवलेली असू शकते. पण तुटलेली मूर्ती घरात ठेवू नका आणि मूर्तीवर धूळ साचू देऊ नका. सर्वात महत्त्वाचं म्हणजे, उंटाचा चेहरा घराच्या आतल्या बाजूला असावा, बाहेरच्या बाजूला नको.