Balcony Decor: जुने पितळी-स्टीलचे हंडे फेकू नका; बाल्कनीला द्या असा रॉयल लुक, सगळे पाहतच राहतील!

तुमच्या घरातले जुने पितळी आणि स्टीलचे हंडे-कळशा फेकून देऊ नका. उलट, त्यांचा वापर करून सुंदर कुंड्या (Planters) बनवा. या सोप्या DIY टिप्स वापरून तुमच्या बाल्कनीला एक रॉयल आणि लक्झरी लुक मिळेल.

किचनमधली जुनी, तुटकी-फुटकी पितळी किंवा स्टीलची भांडी भंगारात विकण्याचा विचार करत असाल, तर थांबा! त्याऐवजी तुम्ही तुमची बाल्कनी सजवण्यासाठी त्यांचा वापर करू शकता. ही एक इको-फ्रेंडली आणि बजेट-फ्रेंडली डेकोर आयडिया आहे. चला, पाहूया जुन्या पितळी किंवा स्टीलच्या भांड्यांना चमकदार कुंड्यांमध्ये (Brass Steel Matka Planter) कसं बदलायचं.

लिंबू, मीठ किंवा बेकिंग सोड्याने हंडे स्वच्छ करा

खूप दिवस ठेवल्यामुळे पितळेचे हंडे काळे पडतात. त्यांना पुन्हा चमकवण्यासाठी लिंबू, मीठ किंवा बेकिंग सोडा वापरा. स्टीलचे हंडे तर डिशवॉश किंवा व्हिनेगरने सहज स्वच्छ होतात आणि त्यांची जुनी चमक परत येते. भांड्याला आधीच एखादं भोक असेल, तर ते जास्त चांगलं.

पाणी जाण्यासाठी होल तयार करा

तुम्ही मातीची कुंडी थेट या पितळी किंवा स्टीलच्या भांड्यात ठेवू शकता, म्हणजे ती काढायला आणि ठेवायला सोपी जाईल. किंवा, तुम्ही छिन्नीच्या मदतीने भांड्याच्या तळाशी एक होल करू शकता. यामुळे कुंडीतलं जास्तीचं पाणी निघून जाईल आणि रोप निरोगी राहील.

वॉटरप्रूफ पेंटचा भांड्यांवर वापर करा

पितळेच्या भांड्यांना तुम्ही त्यांच्या नैसर्गिक चकाकीसोबतही वापरू शकता. पण जर तुम्हाला बाल्कनीला अधिक आकर्षक लुक द्यायचा असेल, तर वॉटरप्रूफ पेंटने त्यावर फुलांची डिझाइन काढा. यामुळे भांडी सुंदर दिसतील आणि काळी पडण्याची चिंताही राहणार नाही.

मेटलच्या छोट्या भांड्यांमध्ये ही रोपं लावा

या मेटलच्या लहान-मोठ्या भांड्यांमध्ये तुम्ही मनी प्लांट, सक्युलेंट्स (succulents), तुळस किंवा पोर्टुलाका (Portulaca) सारखी रोपं लावू शकता. रंगीबेरंगी फुलं असलेली रोपं बाल्कनीला एक फ्रेश लुक देतील. भांड्यांची रचना करताना काही उंच तर काही खाली ठेवा. काही कुंड्या स्टँडवर ठेवा, तर काही जमिनीवर. यामुळे बाल्कनीमध्ये एक सुंदर लेयरिंग दिसेल. अजून भारी लुक देण्यासाठी तुम्ही फेअरी लाइट्सचा (Fairy Lights) वापर करू शकता. यामुळे बाल्कनी रात्रीच्या वेळी खूपच सुंदर दिसेल.