Tata Sierra EV: टाटाचा धमाका! ६६५ किमी रेंजसह बहुप्रतिक्षित Tata Sierra EV भारतात लाँच; किंमत आणि भन्नाट फीचर्स पाहा

Tata Sierra EV : टाटा मोटर्सने आपली नवी Sierra EV भारतीय बाजारात आणली आहे. या इलेक्ट्रिक SUV ची सुरुवातीची किंमत १८.७९ लाख रुपये आहे. एका चार्जमध्ये ही गाडी तब्बल ६६५ किलोमीटरपर्यंत धावते. Sierra EV मध्ये 63kWh आणि 75kWh बॅटरी पॅकचे पर्याय असून, ती रिअर-व्हील आणि ऑल-व्हील ड्राइव्हमध्ये उपलब्ध आहे.

Tata Sierra EV : भारतीय ऑटोमोबाईल क्षेत्रातील दिग्गज कंपनी टाटा मोटर्सने (Tata Motors) अखेर आपली सर्वात जास्त वाट पाहिली जाणारी इलेक्ट्रिक कार Tata Sierra EV भारतीय बाजारात अधिकृतपणे दाखल केली आहे. आकर्षक लुक आणि अत्याधुनिक फीचर्ससह आलेल्या या दमदार इलेक्ट्रिक SUV ची सुरुवातीची एक्स-शोरूम किंमत १८.७९ लाख रुपये आहे.

प्लॅटफॉर्म

नव्या Sierra EV मध्ये टाटाने तेच Acti.ev प्लस प्लॅटफॉर्म वापरलं आहे, जे हॅरियर EV मध्येही आहे. गाडीचं इलेक्ट्रिकल आणि इलेक्ट्रॉनिक (E&E) आर्किटेक्चरसुद्धा हॅरियर EV प्रमाणेच TiDAL वर आधारित आहे. Sierra EV मध्ये ग्राहकांना 63kWh आणि 75kWh असे दोन बॅटरी पॅकचे पर्याय मिळतील. दोन्ही बॅटरी पर्यायांमध्ये रिअर-व्हील ड्राइव्ह (RWD) स्टँडर्ड आहे. तर, 75kWh बॅटरीसोबत ड्युअल-मोटर ऑल-व्हील ड्राइव्ह (AWD) चा पर्यायही उपलब्ध आहे. हे AWD सेटअप ५०४Nm टॉर्क निर्माण करतं. कंपनीचा दावा आहे की बूस्ट मोडमध्ये, Sierra EV AWD फक्त ५.८ सेकंदात ० ते १०० किमी प्रतितास वेग गाठू शकते.

ऑफ-रोडिंगसाठीही तयार

या गाडीचं AWD व्हेरियंट खास ऑफ-रोडिंगसाठी डिझाइन केलं आहे. यात नॉर्मल, ग्रास/स्नो, मड/ग्रॅव्हेल, सँड, रॉक क्रॉल आणि कस्टम असे एकूण सहा टेरेन मोड दिले आहेत. याशिवाय, कमी वेगात गाडी चालवण्यासाठी लो-स्पीड क्रूझ कंट्रोल आणि गाडीच्या खालचा भागही दाखवणारा ५४०-डिग्री कॅमेरा (३६०-डिग्री सराउंड व्ह्यूसह) यांसारखी फीचर्सही यात आहेत.

१५ मिनिटांच्या चार्जिंगमध्ये २६३ किलोमीटर धावणार

रेंजच्या बाबतीत, 75kWh बॅटरी पॅक असलेली Sierra EV एका चार्जमध्ये ६६५ किलोमीटरपर्यंतची MIDC सर्टिफाइड रेंज देते, असा कंपनीचा दावा आहे. तर 63kWh बॅटरी मॉडेलची रेंज ५६५ किलोमीटर आहे. ही गाडी 120kW DC फास्ट चार्जरला सपोर्ट करते. या चार्जरमुळे फक्त १५ मिनिटांच्या चार्जिंगमध्ये गाडी तब्बल २६३ किलोमीटरपर्यंत धावू शकते. बॅटरी २०% पासून ८०% पर्यंत चार्ज होण्यासाठी फक्त २६ मिनिटं लागतात. विशेष म्हणजे, टाटा सिएरा EV च्या बॅटरीवर कंपनी १५ वर्षांची वॉरंटी देत आहे.

डिझाइनमध्ये काय वेगळं?

डिझाइनच्या बाबतीत बोलायचं झालं, तर Sierra EV दिसायला बऱ्यापैकी तिच्या पेट्रोल-डिझेल मॉडेलसारखीच आहे. पण इलेक्ट्रिक गाडी म्हणून काही बदल नक्कीच दिसतात. समोरच्या बाजूला, लाईट बार आणि हेडलॅम्प्सच्या मधला काळा पॅनल आता नाहीये. टाटाच्या लोगोच्या वर असलेलं 'SIERRA' ब्रँडिंगही काढण्यात आलं आहे. पुढच्या बंपरला जास्त ग्लॉसी ब्लॅक फिनिशसह नवीन डिझाइन दिलं आहे. गाडीची साईड प्रोफाइल आणि मागचं डिझाइन ICE मॉडेलसारखंच आहे, पण 'ev' बॅजमुळे ती वेगळी ओळखली जाते. या इलेक्ट्रिक SUV ला २०५ मिमीचा ग्राउंड क्लिअरन्स मिळतो.

इंटीरियर आणि फीचर्स

गाडीच्या आतला केबिन लेआउट डिझेल आणि पेट्रोल सिएरा मॉडेल्ससारखाच आहे. पण, इंटीरियरची कलर थीम थोडी वेगळी आहे. गाडीत ६२२ लिटरची बूट स्पेस (रूफपर्यंत) मिळते. पार्सल शेल्फसोबत ही जागा ४५० लिटर होते. मागच्या सीट्स फोल्ड केल्यावर एकूण जागा १,२५७ लिटरपर्यंत वाढते. फीचर्सच्या बाबतीत Sierra EV मध्ये खूप प्रीमियम सुविधा दिल्या आहेत. यात ट्रिपल-स्क्रीन सेटअप, अॅम्बियंट लायटिंग, १२-स्पीकर JBL ब्लॅक साउंड सिस्टीम, ड्युअल-झोन क्लायमेट कंट्रोल, पॅनोरॅमिक सनरूफ, बॉस मोड, केबिन एअर प्युरिफायर, पॉवर्ड आणि व्हेंटिलेटेड फ्रंट सीट्स, पॉवर्ड टेलगेट, लेव्हल-२ ADAS, कनेक्टेड कार टेक्नॉलॉजी, ऑटो पार्क असिस्ट, हेड्स-अप डिस्प्ले, डिजिटल की, OTA अपडेट्स, स्टँडर्ड म्हणून सहा एअरबॅग्ज, आणि V2L व V2V टेक्नॉलॉजी यांचा समावेश आहे.