Sony Headphones: सोन्यासारखे हेडफोन्स! Apple ला टक्कर द्यायला येतोय Sony चा नवा 'The ColleXion'

Sony Headphones: जपानची मोठी इलेक्ट्रॉनिक्स कंपनी सोनी 'The ColleXion' नावाचे नवीन प्रीमियम हेडफोन्स लाँच करण्याच्या तयारीत आहे. जवळपास 68,000 रुपये किंमत असलेले हे मॉडेल Apple च्या AirPods Max ला थेट टक्कर देईल, असा अंदाज आहे. 

जपानची मोठी इलेक्ट्रॉनिक्स कंपनी सोनी (Sony) लवकरच एक नवीन प्रीमियम हेडफोन सीरिज लाँच करण्याच्या तयारीत असल्याची माहिती समोर आली आहे. 'सोनी द कलेक्शन' (Sony The ColleXion) या नावाने हे हेडफोन्स बाजारात येऊ शकतात. कंपनीच्या लोकप्रिय 1000X सीरिजमध्येच हा नवीन मॉडेल समाविष्ट असेल, अशी अपेक्षा आहे. मिळालेल्या माहितीनुसार, हे नवीन हेडफोन्स पुढच्या महिन्याच्या दुसऱ्या आठवड्यात, विशेषतः 19 मे पर्यंत सादर केले जाऊ शकतात.

याआधी सोनीने याच वर्षी लाँच केलेले सोनी WF-1000XM6 ट्रू वायरलेस इअरबड्स खूप चर्चेत होते. तसेच, गेल्या वर्षी लाँच झालेला फ्लॅगशिप मॉडेल सोनी WH-1000XM6 ला ऑडिओ क्वालिटी आणि नॉईज कॅन्सलेशन टेक्नॉलॉजीसाठी ग्राहकांकडून चांगला प्रतिसाद मिळाला होता. आता या नवीन 'The ColleXion' सीरिजसोबत WH-1000XM6 साठी 'सँडस्टोन' नावाचा एक नवीन कलर ऑप्शनही सादर केला जाऊ शकतो.

Apple च्या AirPods Max ला टक्कर

टेक इन्सायडर बिलबिल-कुन (Bilbil-kun) यांनी दिलेल्या माहितीनुसार, नवीन सोनी 'The ColleXion' हेडफोन्सची किंमत युरोपमध्ये सुमारे 629 युरो असेल. भारतीय रुपयात ही रक्कम जवळपास 68,000 रुपये होते. याच्या डिझाइन आणि टेक्निकल डिटेल्सबद्दल अद्याप कोणतीही अधिकृत माहिती समोर आलेली नाही. तरीही, हे वायरलेस ओव्हर-इयर प्रकारातील एक प्रीमियम हेडफोन असेल, असा टेक विश्वाचा अंदाज आहे. हे हेडफोन्स थेट Apple च्या AirPods Max ला टक्कर देण्यासाठी सोनीची एक मोठी खेळी मानली जात आहे.

WH-1000XM6 मॉडेलच्या वैशिष्ट्यांबद्दल बोलायचं झालं तर, ते क्लोज-बॅक ओव्हर-इयर डिझाइनमध्ये येतात. 1.18-इंचाचा ड्रायव्हर युनिट, 4Hz ते 40,000Hz पर्यंत फ्रिक्वेन्सी रिस्पॉन्स आणि LDAC सारख्या हाय-रिझोल्यूशन ऑडिओ कोडेक्सचा सपोर्ट ही त्याची प्रमुख वैशिष्ट्ये आहेत. यात ब्लूटूथ 5.3, मल्टी-पॉइंट कनेक्टिव्हिटी, ॲडॉप्टिव्ह नॉईज कॅन्सलेशन आणि ॲम्बियंट साउंड मोड यांचाही समावेश आहे.

30 तास वापरता येतात

बॅटरी परफॉर्मन्सच्या बाबतीत, नॉईज कॅन्सलेशन चालू असताना हे हेडफोन्स सुमारे 30 तास वापरता येतात. ते बंद केल्यास 40 तासांपर्यंत प्लेबॅक मिळतो. फास्ट चार्जिंगमुळे सुमारे 3.5 तासांत हे पूर्ण चार्ज होतात. एकंदरीत, सोनीची नवीन 'The ColleXion' सीरिज प्रीमियम ऑडिओ मार्केटमध्ये मोठे बदल घडवून आणू शकते, असं तज्ज्ञांचं मत आहे.