रॉयल एनफिल्ड हंटर 350 ग्रेफाइट ग्रेमध्ये लाँच, शानदार बाईक ठरतेय रायडर्सची पसंती

मुंबई - बाईक म्हटलं की चालकांची रॉयल एनफिल्डला पहिली पसंती असते. एक तरी रॉयल एनफिल्ड आपल्याकडे राहावी, अशी प्रत्येक चालकाची इच्छा असते. या रॉयल एनफिल्डची हंटर 350 ग्रेफाइट ग्रेमध्ये लाँच झाली आहे. जाणून घ्या फिचर्स आणि किंमत..

हंटर 350 च्या एकूण रंगांची संख्या आता सात

देशातील लोकप्रिय बाईक ब्रँड रॉयल एनफिल्डने आपल्या 2025 हंटर 350 मॉडेलसाठी एक नवा रंग पर्याय – ग्रेफाइट ग्रे – बाजारात आणला आहे. हा रंग मध्यम व्हेरिएंटमध्ये समाविष्ट करण्यात आला असून, विद्यमान रिओ व्हाईट आणि डॅपर ग्रे या रंगांसह आता या व्हेरिएंटमध्ये एकूण तीन रंग उपलब्ध झाले आहेत. नवीन रंगाच्या लाँचमुळे हंटर 350 च्या एकूण रंगांची संख्या आता सात झाली आहे.

कंपनीने 2025 हंटर 350 ग्रेफाइट ग्रे ची किंमत ₹1,76,750 (एक्स-शोरूम) ठेवली आहे. ग्राहक हा मॉडेल जवळच्या रॉयल एनफिल्ड शोरूममधून, रॉयल एनफिल्ड अ‍ॅप द्वारे किंवा कंपनीच्या अधिकृत संकेतस्थळावरून बुक करू शकतात.

डिझाईन आणि स्टायलिंग

2025 हंटर 350 च्या एकूण डिझाईनमध्ये कोणताही मोठा बदल करण्यात आलेला नाही. मात्र, नवीन ग्रेफाइट ग्रे रंगामुळे या बाईकला एक वेगळाच लूक मिळाला आहे. हा रंग मॅट फिनिश मध्ये असून, बाईकला एक मिनिमलिस्टिक आणि आधुनिक लुक देतो. तसेच, या मॉडेलमध्ये निऑन यलो अ‍ॅक्सेंट्स देण्यात आले आहेत, ज्यांना स्ट्रीट ग्राफिटी आर्टकडून प्रेरणा मिळाली आहे.

फीचर्स

इतर व्हेरिएंटप्रमाणेच 2025 हंटर 350 ग्रेफाइट ग्रे मध्येही रायडर्ससाठी अनेक आधुनिक फीचर्स दिली आहेत. यात

एलईडी हेडलॅम्प्स

ट्रिपर पॉड

टाईप-सी यूएसबी फास्ट चार्जिंग

हे फीचर्स समाविष्ट असून, यामुळे रायडिंगचा अनुभव अधिक चांगला होतो. यावर्षीच्या सुरुवातीला करण्यात आलेल्या अपडेटनंतर, बाईकची ग्राउंड क्लीयरन्स 10 मिमीने वाढवण्यात आली आहे, ज्यामुळे खडतर रस्त्यांवर चालवताना अधिक सोय होते.

इंजिन आणि परफॉर्मन्स

2025 हंटर 350 ग्रेफाइट ग्रे मध्ये रॉयल एनफिल्डचे 349cc J-सिरीज इंजिन वापरण्यात आले आहे. हेच इंजिन हंटरच्या इतर व्हेरिएंटमध्येही वापरले जाते.

हे इंजिन 20.2 bhp ची पीक पॉवर आणि 27 Nm चा टॉर्क निर्माण करते, ज्यामुळे शहरात तसेच लांब पल्ल्याच्या प्रवासातही ही बाईक सहज चालवता येते.

किंमत आणि इतर रंग पर्याय

2025 रॉयल एनफिल्ड हंटर 350 ग्रेफाइट ग्रेची एक्स-शोरूम किंमत ₹1,76,750 आहे. याशिवाय हंटर 350 मध्ये खालील सहा रंग पर्याय उपलब्ध आहेत –

टोकियो ब्लॅक

लंडन रेड

रेबेल ब्लू

डॅपर ग्रे

रिओ व्हाईट

फॅक्टरी ब्लॅक

या इतर व्हेरिएंटची किंमत ₹1.50 लाख (एक्स-शोरूम) पासून सुरू होते.

दमदार इंजिन, आधुनिक फीचर्स

रॉयल एनफिल्ड हंटर 350 आधीच युवावर्गात आणि शहरातील रायडर्समध्ये लोकप्रिय आहे. नवीन ग्रेफाइट ग्रे रंगामुळे या बाईकला अधिक आकर्षक आणि स्पोर्टी लुक मिळाला आहे. दमदार इंजिन, आधुनिक फीचर्स आणि स्टायलिश डिझाईनमुळे 2025 हंटर 350 बाजारात चांगली स्पर्धा निर्माण करेल, असा अंदाज तज्ज्ञ व्यक्त करत आहेत.