Relationship Tips: सासू आणि सून यांच्या नात्याला एक खास स्थान आहे. या दोघींमधील नातं चांगलं असेल तर घर आनंद आणि प्रेमाने भरून जातं. नाहीतर छोट्या-छोट्या गोष्टींवरून मोठी भांडणं होतात. मग या दोघींमधील नातं चांगलं ठेवण्यासाठी काय करायला हवं?
सासू-सुनेचं नातं सकारात्मक असेल, तर कुटुंबात शांतता, आनंद आणि एकमेकांबद्दल आदर वाढतो. पण हे नातं बिघडलं, तर छोट्या गोष्टीही मोठ्या समस्या बनतात आणि घरातील वातावरण खराब होतं. चला तर, सासू-सुनेमध्ये एक चांगलं नातं कसं तयार करता येईल याबद्दल सविस्तर जाणून घेऊया.
26
दृष्टिकोन महत्त्वाचा
सासूने सुनेला घरात आलेली नवीन व्यक्ती न मानता, तिला कुटुंबातील सदस्य मानलं पाहिजे. त्याचप्रमाणे, सुनेनेही सासूकडे केवळ अधिकार गाजवणारी व्यक्ती म्हणून न पाहता, एक अनुभवी व्यक्ती म्हणून पाहावं. हा दृष्टिकोन त्यांच्यातील नातं अधिक प्रेमळ बनवण्यात महत्त्वाची भूमिका बजावतो.
36
गैरसमज टाळा
सासू-सुनेमध्ये गैरसमज टाळण्यासाठी मोकळेपणाने बोलणं गरजेचं आहे. समस्या आल्यावर त्या लपवून न ठेवता, मैत्रीपूर्ण वातावरणात चर्चा करावी. अनेकदा छोटे गैरसमजच मोठ्या भांडणांना कारण ठरतात. त्यामुळे बोलताना शब्द जपून वापरावेत आणि समोरच्याच्या भावनांचा आदर करावा. सासूने सुनेला सल्ला देताना तो आदेशासारखा न देता, सूचनेच्या स्वरूपात द्यावा. सुनेनेही सासूचं म्हणणं ऐकून घ्यावं.
वयाने मोठ्या असलेल्या सासूला आदर देणं ही सुनेची जबाबदारी आहे, तर सुनेला एक व्यक्ती म्हणून मान देणं ही सासूची जबाबदारी आहे. सुनेच्या आवडीनिवडी आणि मतं वेगळी असू शकतात. सासूने ती स्वीकारून आपलं मोठेपण दाखवावं. सुनेनेही घरातील परंपरा आणि मूल्यांचा आदर करून सासूचं मन जिंकायला हवं. असा परस्पर आदर ठेवल्यास छोटे वाद मोठ्या समस्या बनत नाहीत.
56
लगेच प्रतिक्रिया देऊ नका
प्रत्येक व्यक्तीची विचार करण्याची पद्धत आणि सवयी वेगळ्या असतात. एकाला जे आवडतं, ते दुसऱ्याला आवडेलच असं नाही. अशावेळी लगेच प्रतिक्रिया देऊन वाद घालण्यापेक्षा थोडा संयम बाळगणं चांगलं. चुका झाल्यास त्या मोठ्या न करता माफ केल्याने नातं अधिक घट्ट होतं.
66
एकमेकींना मदत करा
घरातील कामांमध्ये आणि जबाबदाऱ्यांमध्ये एकमेकींना मदत करणं आवश्यक आहे. सुनेवर सर्व कामांचा भार टाकणं किंवा सासूने पूर्णपणे बाजूला होणं, दोन्ही गोष्टी चुकीच्या आहेत. दोघींनी मिळून जबाबदाऱ्या वाटून घेतल्यास एकमेकींना समजून घेण्यास मदत होते. नोकरी करणाऱ्या सुनेला सासूच्या मदतीमुळे मोठा आधार मिळतो. त्याचवेळी, सुनेनेही सासूला आदर आणि कृतज्ञता दाखवली पाहिजे. तसेच, कुटुंबात तिसऱ्या व्यक्तीचा हस्तक्षेप टाळावा, कारण त्यामुळे गैरसमज वाढतात.
