Pune–Mumbai Trains : पुणे-मुंबई प्रवाशांसाठी अलर्ट! रविवारी 13 महत्त्वाच्या गाड्यांच्या वेळापत्रकात बदल

Pune Mumbai Trains Mega Block : रविवार, 21 डिसेंबर रोजी मध्य रेल्वेच्या कल्याण-ठाणे स्थानकांदरम्यान मेगाब्लॉकमुळे पुणे-मुंबई मार्गावरील 13 महत्त्वाच्या गाड्यांच्या वेळापत्रकात बदल होणार आहे. 

रविवारी 13 महत्त्वाच्या गाड्यांच्या वेळापत्रकात बदल

Railway News : पुणे आणि मुंबई दरम्यान नियमित प्रवास करणाऱ्या प्रवाशांसाठी अत्यंत महत्त्वाची माहिती समोर आली आहे. रविवार, 21 डिसेंबर रोजी मुंबई रेल्वे विभागात विशेष तांत्रिक देखभालीसाठी मेगाब्लॉक घेण्यात येणार असून, याचा थेट परिणाम पुणे–मुंबई मार्गावरील 13 मेल आणि एक्स्प्रेस गाड्यांच्या वेळापत्रकावर होणार आहे. 

कुठे घेतला जाणार मेगाब्लॉक?

रेल्वे प्रशासनाच्या माहितीनुसार, हा ब्लॉक मध्य रेल्वेच्या कल्याण ते ठाणे स्थानकांदरम्यान घेण्यात येणार आहे. त्यामुळे या मार्गावरून धावणाऱ्या अनेक वेगवान आणि लोकप्रिय गाड्यांच्या वेळेत बदल होणार आहेत. 

कोणत्या गाड्यांना फटका?

या मेगाब्लॉकमुळे पुढील महत्त्वाच्या गाड्यांवर परिणाम होणार आहे.

सिंहगड एक्स्प्रेस

डेक्कन क्वीन

प्रगती एक्स्प्रेस

सोलापूर–मुंबई वंदे भारत एक्स्प्रेस

याशिवाय

नागपूर–सेवाग्राम एक्स्प्रेस

हावडा मेल

चेन्नई–मुंबई एक्स्प्रेस

यांसारख्या लांब पल्ल्याच्या गाड्यांच्याही वेळापत्रकात बदल करण्यात येणार आहे.

किती वेळ उशीर होणार?

रेल्वेने स्पष्ट केल्यानुसार, या सर्व गाड्या त्यांच्या नियोजित वेळेपेक्षा किमान 15 ते 20 मिनिटे उशिराने धावू शकतात किंवा मुंबई गाठण्यासाठी त्यांना नेहमीपेक्षा अधिक वेळ लागू शकतो.

ब्लॉकदरम्यान कोणती कामे होणार?

या कालावधीत

रेल्वे रुळांची दुरुस्ती

ओव्हरहेड वायरची देखभाल

सिग्नल यंत्रणेचे आधुनिकीकरण

अशी महत्त्वाची कामे केली जाणार आहेत. सुरक्षित आणि सुरळीत रेल्वे सेवा देण्यासाठी ही कामे आवश्यक असल्याचे प्रशासनाने सांगितले आहे. 

लोकल सेवांवरही परिणाम शक्य

या मेगाब्लॉकचा परिणाम मुंबई उपनगरीय लोकलच्या वेळापत्रकावरही होण्याची शक्यता असल्याने प्रवाशांची गैरसोय होऊ शकते.

प्रवाशांसाठी महत्त्वाचा सल्ला

रेल्वे प्रशासनाने प्रवाशांना

प्रवासापूर्वी रेल्वेचे अधिकृत मोबाइल ॲप

किंवा स्थानकावरील चौकशी खिडकीवरून लाईव्ह स्टेटस तपासण्याचे

आवाहन केले आहे.

विशेषतः रविवारच्या सुटीसाठी बाहेर पडणारे प्रवासी तसेच नोकरीसाठी पुणे–मुंबई प्रवास करणाऱ्यांनी या बदलांची नोंद घेऊनच प्रवासाचे नियोजन करावे, असेही सांगण्यात आले आहे.