पुणेकरांची 'होळी' होणार गोड! झाशीसाठी सुटणार दोन विशेष रेल्वे गाड्या; पाहा संपूर्ण वेळापत्रक

Pune To Jhansi Special Trains: होळी सणाच्या पार्श्वभूमीवर रेल्वे प्रशासनाने पुणे, हडपसर येथून उत्तर प्रदेशातील झाशीसाठी विशेष साप्ताहिक गाड्यांची घोषणा केली. मार्च महिन्यात धावणाऱ्या या गाड्यांमुळे सणासाठी गावी जाणाऱ्या प्रवाशांचा प्रवास सुखकर होणारय

पुणेकरांची 'होळी' होणार गोड! झाशीसाठी सुटणार दोन विशेष रेल्वे गाड्या

पुणे : होळीच्या सणासाठी गावी जाणाऱ्या प्रवाशांची गर्दी लक्षात घेऊन रेल्वे प्रशासनाने एक आनंदाची बातमी दिली आहे. पुणे आणि हडपसर स्थानकावरून उत्तर प्रदेशातील वीरांगना लक्ष्मीबाई झाशी स्थानकासाठी मार्च महिन्यात विशेष साप्ताहिक गाड्या चालवण्याचा निर्णय घेण्यात आला आहे. यामुळे प्रवाशांचा सणासुदीचा प्रवास आता अधिक सुखकर होणार आहे. 

१. पुणे स्टेशन ते झाशी (विशेष गाडी)

गाडी क्रमांक: ०१९२१ (पुणे-झाशी) / ०१९२२ (झाशी-पुणे)

वेळापत्रक: ५ ते २६ मार्चदरम्यान दर गुरुवारी पुण्याहून दुपारी ३:१५ वाजता सुटेल आणि शुक्रवारी सकाळी १० वाजता झाशीला पोहोचेल.

परतीचा प्रवास: ४ ते २५ मार्चदरम्यान दर बुधवारी झाशीहून दुपारी १२:५० वाजता सुटेल.

प्रमुख थांबे: दौंड कॉर्ड लाईन, अहिल्यानगर, मनमाड, भुसावळ, इटारसी, राणी कमलापती आणि बीना. 

२. हडपसर ते झाशी (विशेष गाडी)

गाडी क्रमांक: ०१९२३ (हडपसर-झाशी) / ०१९२४ (झाशी-हडपसर)

वेळापत्रक: ८ ते २९ मार्चदरम्यान दर रविवारी हडपसरहून रात्री ७:१० वाजता सुटेल आणि सोमवारी दुपारी ३ वाजता पोहोचेल.

परतीचा प्रवास: ७ ते २८ मार्चदरम्यान दर शनिवारी झाशीहून रात्री ७:४० वाजता सुटेल. 

अजमेर आणि हिसार गाड्यांच्या फेऱ्यांतही वाढ!

प्रवाशांचा वाढता ओघ पाहून रेल्वेने इतर काही महत्त्वाच्या गाड्यांना मुदतवाढ दिली आहे.

दौंड – अजमेर साप्ताहिक विशेष: आता २७ मार्चपर्यंत धावणार.

खडकी – हिसार साप्ताहिक विशेष: आता ३० मार्चपर्यंत उपलब्ध असेल. 

कोचची रचना

या सर्व विशेष गाड्यांमध्ये सेकंड एसी, थर्ड एसी, स्लीपर आणि जनरल डब्यांची सोय करण्यात आली आहे, जेणेकरून सर्व स्तरांतील प्रवाशांना प्रवास करता येईल.