शेतकऱ्यांनो लक्ष द्या! PM किसानचा २२ वा हप्ता 'या' दिवशी जमा होणार? पण 'ही' अट पूर्ण न केल्यास पैसे अडकणार!

PM Kisan Yojana 22th Installment : प्रधानमंत्री किसान सन्मान निधी योजनेच्या २२ व्या हप्त्याची प्रतीक्षा लवकरच संपणार असून, ही रक्कम जानेवारी ते मार्च २०२६ दरम्यान जमा होण्याची शक्यताय. मात्र, सरकारने यावेळी 'फार्मर आयडी' अनिवार्य केला. 

PM Kisan चा 22 वा हप्ता कधी मिळणार?

मुंबई : देशातील कोट्यवधी अल्पभूधारक शेतकऱ्यांसाठी आर्थिक आधार ठरलेल्या 'प्रधानमंत्री किसान सन्मान निधी' (PM-Kisan) योजनेच्या २२ व्या हप्त्याची प्रतीक्षा आता संपण्याची चिन्हे आहेत. शेतीच्या कामांसाठी खते, बियाणे आणि औषधांच्या खरेदीसाठी अत्यंत महत्त्वाचे असणारे हे २,००० रुपये लवकरच खात्यात जमा होणार आहेत. मात्र, केंद्र सरकारने यावेळी एक नवीन आणि अत्यंत महत्त्वाची अट लागू केली आहे. 

२२ वा हप्ता कधी येणार? (Expected Date)

केंद्र सरकारने अद्याप अधिकृत तारीख जाहीर केली नसली तरी, योजनेच्या नियमानुसार दर चार महिन्यांनी हप्ता दिला जातो. त्यानुसार

संभाव्य वेळ: जानेवारी अखेर किंवा फेब्रुवारी ते मार्च २०२६ दरम्यान.

बजेट कनेक्शन: साधारणपणे अर्थसंकल्पीय अधिवेशनाच्या आसपास शेतकऱ्यांच्या खात्यात ही रक्कम जमा होण्याची शक्यता वर्तवली जात आहे. 

सावधान! 'Farmer ID' शिवाय पैसे मिळणार नाहीत

यावेळी केवळ ई-केवायसी (e-KYC) करून चालणार नाही. सरकारने पारदर्शकता वाढवण्यासाठी 'फार्मर आयडी' (Farmer ID) अनिवार्य केला आहे. का गरजेचा आहे फार्मर आयडी? अपात्र लाभार्थी, चुकीची माहिती आणि दुहेरी नोंदणी रोखण्यासाठी सरकारने हा युनिक ओळख क्रमांक लागू केला आहे. ज्या शेतकऱ्यांकडे हा आयडी नसेल, त्यांचा हप्ता केंद्र सरकारकडून रोखला जाऊ शकतो. 

हप्ता अडकू नये म्हणून 'या' ४ गोष्टी तपासा

१. Farmer ID: तातडीने आपला शेतकरी आयडी तयार करून घ्या.

२. e-KYC: मोबाईलवरून किंवा सीएससी (CSC) केंद्रावर जाऊन ई-केवायसी पूर्ण करा.

३. आधार लिंकिंग: तुमचे बँक खाते आधार कार्डशी लिंक असणे आणि 'डीबीटी' (DBT) पर्याय सुरू असणे आवश्यक आहे.

४. जमीन रेकॉर्ड: तुमच्या जमिनीच्या नोंदी (Land Records) अधिकृत पोर्टलवर अपडेट असल्याची खात्री करा. 

तुमचे नाव यादीत कसे तपासायचे?

१. संशयास्पद लिंक काढली या अधिकृत वेबसाईटला भेट द्या.

२. 'Beneficiary List' या पर्यायावर क्लिक करा.

३. तुमचे राज्य, जिल्हा, तालुका आणि गाव निवडा.

४. तुमची माहिती भरून यादीत नाव तपासा.