World Cup 2026 : टी20 वर्ल्ड कपमध्ये भारताविरुद्धचा सामना न खेळण्याच्या पाकिस्तान सरकारच्या निर्णयानंतर, आंतरराष्ट्रीय क्रिकेट परिषद (ICC) पाकिस्तान क्रिकेट बोर्डावर (PCB) कठोर शिस्तभंगाची कारवाई करत आहे.
टी20 वर्ल्ड कपमध्ये भारताविरुद्धचा सामना न खेळण्याच्या पाकिस्तान सरकारच्या निर्णयानंतर, आंतरराष्ट्रीय क्रिकेट परिषद (ICC) पाकिस्तान क्रिकेट बोर्डावर (PCB) कठोर शिस्तभंगाची कारवाई करत आहे. पाकिस्तानवर वर्ल्ड कपमधून पूर्णपणे बंदी घालण्यासारख्या कारवाईचा ICC विचार करत आहे.
27
कराराचे उल्लंघन
बांगलादेशला वर्ल्ड कपमधून बाहेर केल्याच्या निषेधार्थ, पाकिस्तानने १५ फेब्रुवारीला कोलंबोमध्ये होणाऱ्या भारत-पाक सामन्यातून माघार घेण्याचा निर्णय घेतला. मात्र, हे ICC आणि BCCI सोबत केलेल्या करारांचे उल्लंघन आहे, असे ICC सूत्रांनी स्पष्ट केले आहे.
37
वर्ल्ड कपमधून हकालपट्टीची शक्यता
भारताविरुद्धच्या सामन्यावर बहिष्कार टाकल्यास पाकिस्तानला स्पर्धेतून पूर्णपणे बाहेर काढण्याचा विचार ICC करत आहे. बदली संघ म्हणून युगांडाला खेळवण्याचाही ICCचा विचार आहे. निवडक संघांविरुद्धच वर्ल्ड कपमध्ये खेळता येणार नाही, अशी ICCची भूमिका आहे.
ICC कडून मिळणारे ३४.५ दशलक्ष डॉलर्सचे वार्षिक उत्पन्न रोखले जाईल (सुमारे ३१६ कोटी रुपये). सामना न झाल्यास जिओ-स्टार कंपनीचे कोट्यवधींचे नुकसान PCB ला भरावे लागेल. या एका सामन्यामुळे २०० कोटींचे जाहिरात नुकसान अपेक्षित आहे.
57
आशिया कपमधूनही बाहेर?
येत्या आशिया कप स्पर्धांमधून पाकिस्तानवर बंदी घातली जाऊ शकते. पाकिस्तानसोबतच्या द्विपक्षीय मालिकांपासून दूर राहण्यासाठी इतर क्रिकेट बोर्डांना भाग पाडले जाऊ शकते. या बहिष्कारामुळे पाकिस्तान क्रिकेट पूर्णपणे कोलमडण्याची शक्यता आहे.
67
PSL ला टाळे लागण्याची शक्यता
पाकिस्तान सुपर लीगमध्ये (PSL) परदेशी खेळाडूंवर बंदी येऊ शकते. ICC ने इतर बोर्डांना खेळाडूंना NOC न देण्यास सांगितल्यास PSL चे अस्तित्व धोक्यात येईल. यामुळे PSL चे व्यावसायिक मूल्य कमी होईल.
77
वर्ल्ड कपसाठी पाकिस्तानचा संघ
सलमान अली आगा (कर्णधार), बाबर आझम, शाहीन शाह आफ्रिदी, फखर जमान, शादाब खान, नसीम शाह, अबरार अहमद, फहीम अश्रफ, ख्वाजा मोहम्मद नफे (यष्टीरक्षक), मोहम्मद नवाज, मोहम्मद सलमान मिर्झा, साहिबजादा फरहान, सईम अयूब, उस्मान खान, उस्मान तारिक.
