Construction Workers Welfare Scheme : बांधकाम कामगारांसाठी नवीन ऑनलाइन अर्ज प्रक्रिया सुरू, जाणून घ्या संपूर्ण माहिती, पात्रता आणि लाभ
सार
Construction Workers Welfare Scheme : महाराष्ट्रातील नोंदणीकृत बांधकाम कामगारांसाठी बांधकाम कामगार कल्याण योजनेअंतर्गत ऑनलाइन अर्ज प्रक्रिया सुरू झाली आहे. या योजनेद्वारे कामगारांना सुरक्षा किट, स्वयंपाक भांडी सेटसह अनेक फायदे मिळणार आहेत.
Construction Workers Welfare Scheme : महाराष्ट्रातील नोंदणीकृत बांधकाम कामगारांसाठी आनंदाची बातमी आहे! आता इमारत बांधकाम कामगार कल्याण योजनेचा लाभ घेण्यासाठी ऑफलाइन अर्ज प्रक्रिया बंद करून पूर्णपणे ऑनलाइन अर्ज प्रक्रिया सुरू करण्यात आली आहे. यामार्फत कामगारांना सुरक्षा किट, स्वयंपाक भांडी सेटसह अनेक फायदे मिळणार आहेत. जर तुम्ही अजूनही या योजनेसाठी अर्ज केला नसेल, तर आता ऑनलाइन पद्धतीने अर्ज करून आपला हक्काचा लाभ मिळवू शकता. चला, या नव्या प्रक्रियेबाबत सविस्तर जाणून घेऊया.
बांधकाम कामगार कल्याण योजना म्हणजे काय?
राज्य सरकारद्वारे स्थापन करण्यात आलेल्या महाराष्ट्र इमारत व इतर बांधकाम कामगार कल्याणकारी मंडळाच्या माध्यमातून नोंदणीकृत कामगारांसाठी अनेक योजना राबवण्यात येतात. यामध्ये:
शैक्षणिक सहाय्यता
आरोग्य सुविधा
अपघाती मृत्यू/अपंगत्व यासाठी आर्थिक मदत
गृहबांधणीसाठी अनुदान
विवाह सहाय्यता
गरोदर स्त्री कामगारांसाठी मदत
कुटुंब नियोजन व लाभ योजनांचा समावेश आहे.
ऑनलाइन अर्ज प्रक्रिया कशी करावी?
ऑफलाइन अर्ज प्रक्रिया बंद – ५ फेब्रुवारी २०२५ पासून सेतू केंद्रांमधून अर्ज भरायची पद्धत बंद करण्यात आली आहे.
ऑनलाइन अर्ज – कामगारांना आता अर्ज, नोंदणी व नूतनीकरण प्रक्रिया ऑनलाइनच करावी लागेल.
कागदपत्र पडताळणीसाठी वेळ ठरवा – अर्ज सबमिट केल्यानंतर तुम्हाला “Change Claim Appointment Date” या पर्यायावर जाऊन तुमच्या सोयीची तारीख व सेतू केंद्र निवडावे लागेल.
अर्ज करताना नोंदणी क्रमांक आणि मोबाइल OTP वापरून प्रक्रिया पूर्ण करावी लागेल.
नोंदणीसाठी पात्रता आणि आवश्यक कागदपत्रे
पात्रता:
वय: 18 ते 60 वर्षे
मागील १२ महिन्यांत किमान ९० दिवस बांधकाम कामगार म्हणून काम केलेले असणे आवश्यक
आवश्यक कागदपत्रे:
वयाचा पुरावा (उदा. जन्म दाखला)
९० दिवस काम केल्याचे प्रमाणपत्र
रंगीत पासपोर्ट साईझ फोटो – ३
ओळखपत्र (Aadhar/PAN)
रहिवासी पुरावा
बँक पासबुकची झेरॉक्स
नोंदणी शुल्क:
नोंदणी फी: ₹1
वार्षिक वर्गणी: ₹1
या योजनेचे महत्त्वाचे फायदे
प्रसूती सहाय्यता: नैसर्गिक प्रसूती ₹15,000, शस्त्रक्रियेसाठी ₹20,000
शैक्षणिक मदत:
1ली ते 7वी – ₹2,500 प्रतिवर्ष
8वी ते 10वी – ₹5,000
10वी/12वी मध्ये ≥50% गुण – ₹10,000 प्रोत्साहन
पदवी शिक्षण – ₹20,000
वैद्यकीय शिक्षण – ₹1,00,000
अभियांत्रिकी – ₹60,000
कुटुंब नियोजनानंतर मुलीच्या नावे FD – ₹1 लाख
अपघातामुळे कायमचे अपंगत्व – ₹2 लाख मदत
मृत्यूनंतर विधवेसाठी ५ वर्षे ₹24,000/वर्ष
कामावर मृत्यू झाल्यास – ₹5 लाख नुकसानभरपाई
गंभीर आजारासाठी – ₹1 लाख वैद्यकीय मदत
स्वतःच्या लग्नासाठी – ₹30,000 अनुदान
कामासाठी लागणाऱ्या साधनसामुग्रीसाठी – ₹5,000 मदत
नोंदणी न केल्यास अर्ज होणार नामंजूर
नोंदणी केलेले अर्जदार निवडलेल्या तारखेला मूळ कागदपत्रांसह हजर राहणे अत्यावश्यक आहे. ठरलेल्या दिवशी अनुपस्थित राहिल्यास अर्ज फेटाळला जाईल.
लवकर करा नोंदणी, तुमचे हक्काचे फायदे घ्या
सरकारकडून राबवली जाणारी ही योजना कामगारांसाठी अत्यंत लाभदायक आहे. जर तुम्ही अजूनही या योजनेत नोंदणी केली नसेल, तर विलंब न करता ऑनलाइन अर्ज करा आणि तुमच्या कुटुंबासाठी आर्थिक, शैक्षणिक व वैद्यकीय सुरक्षा सुनिश्चित करा.