आता हे काय?, नमो भारत ट्रेनमध्ये जोडप्याने केले नको ते चाळे, NCRTC ने दिले कारवाईचे आदेश

नमो भारत ट्रेनमध्ये एक तरुण आणि तरुणी अश्लील चाळे करत असल्याचा CCTV व्हिडिओ व्हायरल झाला आहे. ही घटना मेरठ आणि मोदीनगर स्थानकांदरम्यान घडली. NCRTC या प्रकरणाची चौकशी करत आहे.

गेल्या काही दिवसात सार्वजनिक ठिकाणी अश्लिल चाळे करणाऱ्यांच्या संख्येत वाढ होत असल्याचे दिसून येत आहे. देशातील काही मेट्रो स्थानकावर, मेट्रोमध्येही अशा काही गटना समोर आल्या आहेत. त्यातच आता पुन्हा एकदा नमो भारत ट्रेनमध्ये एक तरुण आणि तरुणी अश्लील चाळे करत असल्याचा एक व्हिडिओ सोशल मीडियावर व्हायरल झाला आहे. कोचमधील CCTV कॅमेऱ्यात कैद झालेल्या या घटनेमुळे लोकांमध्ये संताप व्यक्त होत असून, रेल्वे अधिकाऱ्यांनी तातडीने कारवाई केली आहे, असे जागरण डॉट कॉमने म्हटले आहे.

व्हायरल व्हिडिओमध्ये हे जोडपे मेरठ आणि दिल्ली दरम्यान धावणाऱ्या नमो भारत सेमी-हाय-स्पीड ट्रेनमधील सीटवर बसलेले दिसत आहे. प्रामुख्याने रिकामा कोच पाहून, ते अश्लील चाळे करताना दिसत आहेत. हा व्हिडिओ चार वेगवेगळ्या क्लिपमध्ये दिसत असून, तो आता ऑनलाइन मोठ्या प्रमाणात शेअर केला जात आहे. अनेक दर्शकांना धक्का बसला आहे की, काही प्रवासी जवळच्या सीटवर बसलेले दिसत असूनही, सार्वजनिक वाहतुकीच्या कोचमध्ये हे वर्तन सुरूच होते.

अधिकाऱ्यांनी स्पष्ट केले की, ही घटना अलीकडची नाही. ही घटना मेरठ आणि मोदीनगर स्थानकांदरम्यान घडली, ज्यामध्ये मोदीनगर नॉर्थ हे ठिकाण अहवालांमध्ये जोडले गेले आहे. तसेच याबाबतची नेमकी तारीख उघड करण्यात आलेली नाही.

हे CCTV फुटेज ट्रेनमध्ये रेकॉर्ड केले गेले आणि नंतर कंट्रोल रूममधून मिळवून प्रसारित करण्यात आले. यामुळे गोपनीयतेच्या आणि पाळत ठेवण्याच्या प्रणालीच्या गैरवापराबद्दल गंभीर चिंता निर्माण झाली आहे.

NCRTC आणि नमो भारत अधिकाऱ्यांकडून कारवाई -

दरम्यान, हा व्हिडिओ समोर आल्यानंतर रॅपिड रेल अधिकाऱ्यांनी तात्काळ दखल घेतली. NCRTC ने पुष्टी केली आहे की, CCTV फुटेजचे पुनरावलोकन केले जात आहे आणि यात सामील असलेल्यांवर कठोर कारवाई केली जाईल. नमो भारतचे मुख्य जनसंपर्क अधिकारी, पुनीत वत्स यांनी या घटनेला 'अत्यंत लाजिरवाणी' म्हटले आहे. ते म्हणाले की, ज्या कर्मचाऱ्याने हे फुटेज चित्रित करून प्रसारित केले त्याला कंट्रोल रूममधून काढून टाकण्यात आले आहे. पोलिसांनाही याची माहिती देण्यात आली आहे.

नियम, जबाबदारी आणि प्रवाशांना इशारा -

नमो भारत ट्रेनचे संचालन एका कंत्राटदाराद्वारे हाताळले जात असले तरी, नियमित देखरेख केली जाते आणि आता अतिरिक्त दक्षता सुनिश्चित केली जाईल, असे अधिकाऱ्यांनी सांगितले. अधिकाऱ्यांनी जोर दिला की सार्वजनिक ठिकाणी अश्लील वर्तन अस्वीकार्य आहे आणि यामुळे गंभीर कायदेशीर अडचणी येऊ शकतात. प्रवाशांना नियमांचे पालन करण्याचे, जबाबदारीने वागण्याचे आणि मूलभूत सभ्यता राखण्याचे आवाहन करण्यात आले, जेणेकरून इतरांना अस्वस्थ किंवा त्रास होणार नाही.

NCRTC ने म्हटले आहे की ते प्रवाशांना सुरक्षित आणि उच्च-गुणवत्तेचा प्रवास प्रदान करण्यासाठी वचनबद्ध आहे. त्याच वेळी, त्यांनी प्रवाशांना आठवण करून दिली की सार्वजनिक वाहतूक ही एक सामायिक जागा आहे जिथे प्रत्येकाकडून आदर आणि योग्य वर्तनाची अपेक्षा केली जाते.