Numerology: या तारखांना जन्मलेले लोक स्वतःचं नशीब स्वतः घडवतात; जाणून घ्या अधिक

Numerology: जगात प्रत्येकजण नशिबाची वाट पाहत असतो, पण काही लोक असे असतात जे आपल्या दृढनिश्चयाने स्वतःचे नशीब स्वतःच घडवतात. ते कष्टालाही नशिबात बदलतात. तर काही लोकांच्या जन्मतारखा त्यांचे नशीब घडवत असतात.  

नशिबावर राज्य करतात..!

अंकशास्त्रानुसार, 1 हा अंक सुरुवात आणि नेतृत्वाचे प्रतीक आहे. कोणत्याही महिन्याच्या 1, 10, 19, 28 तारखेला जन्मलेले लोक 1 या अंकाखाली येतात. या तारखांना जन्मलेले लोक इतरांच्या हाताखाली काम करणे पसंत करत नाहीत, ते स्वतःचे साम्राज्य निर्माण करतात.

आत्मविश्वास असतो जास्त..

या तारखांना जन्मलेल्या लोकांमध्ये आत्मविश्वास जन्मापासूनच असतो. 'मी हे करू शकेन' हा विश्वासच त्यांना भाग्यवान बनवतो. ते अडथळ्यांना घाबरत नाहीत, तर त्यावर मात करण्याचे मार्ग शोधतात. त्यांचा निश्चय हेच त्यांचे नशीब आहे.

सूर्यासारखे तेज..

सूर्य स्वयंप्रकाशित आहे. त्याचप्रमाणे, हे लोकही इतरांच्या मदतीची वाट न पाहता स्वतःच्या मेहनतीने प्रकाशझोतात येतात.

जोखीम घेण्यात असतात पुढे..

सामान्य लोक जिथे घाबरतात, तिथे हे लोक धाडसाने पाऊल टाकतात. अंकशास्त्रानुसार, ते जितकी जास्त जोखीम घेतात, तितकेच नशीब त्यांना साथ देते. ते योग्य वेळेची वाट पाहत नाहीत, तर ते पाऊल टाकतात तीच वेळ योग्य बनवतात.

आकर्षक व्यक्तिमत्व

त्यांची बोलण्याची पद्धत आणि वागणूक इतरांना लवकर आकर्षित करते. या सामाजिक कौशल्यामुळे त्यांच्या योग्य लोकांशी ओळखी होतात, ज्यामुळे त्यांना उत्तम संधी मिळतात.

त्यांनी आपले नशीब आणखी वाढवण्यासाठी काय करावे?

नशीब घडवण्याची शक्ती असूनही, कधीकधी अतिआत्मविश्वास (Overconfidence) त्यांना महागात पडतो.

त्यांनी पाळावयाच्या काही सोप्या टिप्स:

आदित्य हृदय स्तोत्राचे पठण केल्याने सूर्यबळ वाढते.

सकाळी सूर्यनमस्कार केल्याने शारीरिक आणि मानसिक ऊर्जा मिळते.

लाल किंवा पिवळ्या रंगाचे कपडे घालणे शुभ मानले जाते.

जर तुमचा जन्म 1, 10, 19, 28 या तारखांना झाला असेल, तर तुमचे नशीब चांगले नाही म्हणून कधीही दुःखी होऊ नका. कारण तुमच्या यशाचा पाया तुमचे कष्ट आणि तुमचे व्यक्तिमत्व आहे. तुम्ही भाग्यवान नाही, तर नशीब घडवणारे शक्तिमान आहात.