नवीन TVS Apache RTR 160 4V लाँच

१,३९,९९० रुपये एक्स-शोरूम सुरुवातीच्या किमतीत ही मोटरसायकल कंपनीने लाँच केली आहे. 

टीव्हीएस मोटार कंपनीने TVS Apache RTR 160 4V नवीन वैशिष्ट्यांसह आणि तंत्रज्ञानासह सादर केली आहे. या मोटरसायकलमध्ये शक्तिशाली १६० cc इंजिन बसवण्यात आले आहे. उत्कृष्ट नियंत्रण आणि स्थिरता देणारे ३७ mm USD सस्पेंशन, सेगमेंट-फर्स्ट राइड मोड्स इत्यादी प्रगत वैशिष्ट्ये यात आहेत. १,३९,९९० रुपये एक्स-शोरूम सुरुवातीच्या किमतीत कंपनीने ही मोटरसायकल लाँच केली आहे. 

TVS Apache RTR 160 4V नवीन डिझाइनसह येते. ग्रॅनाइट ग्रे, मॅट ब्लॅक, पर्ल व्हाइट अशा रंगांच्या पर्यायांमध्ये बाइकचा नवीन व्हेरियंट येतो. यात स्पोर्टी रंग पर्याय, रेस-प्रेरित ग्राफिक्स, गोल्डन फिनिश USD फोर्क्स, रेड अलॉय व्हील्स आहेत.

९,२५० rpm वर १७.५५ PS पॉवर आणि ७,५०० rpm वर १४.७३ Nm टॉर्क निर्माण करण्यास सक्षम १५९.७ cc, ऑइल-कूल्ड, फ्युएल-इंजेक्टेड, ४-व्हॉल्व्ह इंजिन मिळते. TVS Apache RTR 160 4V ला सेगमेंटमध्ये प्रथम ३७ mm अपसाइड डाउन (USD) सस्पेंशन मिळते. TVS Apache RTR 160 4V ला स्पोर्ट, अर्बन, रेन असे तीन वेगवेगळे राइड मोड्स मिळतात. यात उपलब्ध असलेले उत्कृष्ट रायडिंग मोड उत्कृष्ट नियंत्रण आणि स्थिरता प्रदान करतात.

TVS Apache RTR 160 4V (TVS Apache RTR 160 4V) च्या नवीन व्हेरियंटमध्ये प्रगत रायडर-फ्रेंडली वैशिष्ट्ये आहेत. TVS स्मार्ट कनेक्ट तंत्रज्ञान यात देण्यात आले आहे. त्याद्वारे तुम्ही ब्लूटूथद्वारे तुमच्या बाइकला कनेक्ट करू शकता. टर्न-बाय-टर्न नेव्हिगेशन, कॉल, एसएमएस अलर्ट, व्हॉइस असिस्ट इत्यादी वैशिष्ट्ये यात आहेत. ग्लाइड थ्रू टेक्नॉलॉजी (GTT) सारखी आश्चर्यकारक वैशिष्ट्ये यात उपलब्ध आहेत.