New Creta 2026: ह्युंदाईच्या नेक्स्ट-जनरेशन क्रेटाची दक्षिण कोरियामध्ये टेस्टिंग सुरू झाली आहे. सध्याच्या मॉडेलपेक्षा मोठी असलेली ही SUV 'बॉस मोड', 19-इंच अलॉय व्हील्स आणि हायब्रीड इंजिनसारख्या नवीन फीचर्ससह येणार आहे.
भारतात प्रचंड लोकप्रिय असलेली SUV, ह्युंदाई क्रेटा, पुन्हा एकदा धुमाकूळ घालण्यासाठी सज्ज झाली आहे. नेक्स्ट-जनरेशन क्रेटा नुकतीच दक्षिण कोरियाच्या रस्त्यांवर टेस्टिंग करताना दिसली. ही कार पूर्णपणे कॅमोफ्लॉजने झाकलेली होती.
28
सध्याच्या मॉडेलपेक्षा मोठी
या गाडीचं डिझाइन आणि आकार पाहता, हे फक्त एक छोटं फेसलिफ्ट नसून पूर्णपणे नवीन मॉडेल असल्याचं स्पष्ट होतं. नवीन क्रेटा सध्याच्या मॉडेलपेक्षा थोडी जास्त लांब आणि उंच असू शकते.
38
19-इंचाचे ड्युअल-टोन अलॉय व्हील्स
यावेळी ह्युंदाईने क्रेटाच्या लूक आणि व्हील्सवर खूप मेहनत घेतली आहे. लीक झालेल्या फोटोंमध्ये दिसतंय की, गाडीला 19-इंचाचे ड्युअल-टोन अलॉय व्हील्स दिले आहेत, जे सहसा महागड्या SUV मध्ये पाहायला मिळतात.
कंपनी या गाडीला पूर्णपणे नवीन लूक देण्याचा प्रयत्न करत आहे. यासाठी पुढचे आणि मागचे बंपर पुन्हा डिझाइन केले आहेत. सोबतच नवीन लायटिंग सिग्नेचर (LED DRLs आणि टेललॅम्प) वापरले आहेत.
58
आता SUV मध्ये 'बॉस मोड'!
सर्वात मोठी बातमी म्हणजे गाडीच्या केबिनमधील 'बॉस मोड' फीचर. लक्झरी गाड्यांप्रमाणे, आता नवीन क्रेटामध्ये मागच्या सीटवर बसलेला प्रवासी पुढची पॅसेंजर सीट इलेक्ट्रिकली ॲडजस्ट करू शकेल. यालाच 'बॉस मोड' म्हणतात.
68
प्रीमियम इंटिरियर
इंटिरियरमध्ये मोठी डिजिटल स्क्रीन, सुधारित कनेक्टेड कार फीचर्स आणि प्रीमियम लेदरेट सीट्स मिळतील. सुरक्षेसाठी, यात ॲडव्हान्स्ड ड्रायव्हर असिस्टन्स सिस्टीम (ADAS) देखील दिली जाऊ शकते.
78
इंजिनमध्ये बदल नाही?
पॉवरट्रेनबद्दल बोलायचं झाल्यास, ह्युंदाई भारतात सध्याचे १.५-लिटर पेट्रोल, १.५-लिटर टर्बो-पेट्रोल आणि १.५-लिटर डिझेल इंजिन पर्याय कायम ठेवण्याची शक्यता आहे.
88
हायब्रीड इंजिनचं सरप्राईज?
यावेळी सर्वात मोठं सरप्राईज हायब्रीड इंजिन असू शकतं. नवीन क्रेटा (कोडनेम SX3) २०२६ च्या अखेरीस किंवा २०२७ च्या सुरुवातीला भारतात लाँच होण्याची शक्यता आहे.
