नव्या लूकमध्ये आली Pulsar 150, जाणून घ्या, फीचर्स अन् किंमत

भारताची आवडती बाईक बजाज पल्सर 150 पुन्हा एकदा नवीन रंग, ग्राफिक्स, LED हेडलाइट आणि इंडिकेटर्ससारख्या अपडेट्ससह लाँच झाली आहे. जाणून घेऊया तिची किंमत आणि खास वैशिष्ट्ये.

नवीन बजाज पल्सर 150 -

नवीन वर्षाच्या स्वागतापूर्वी, भारतीय दुचाकी बाजारात पुन्हा एकदा लक्ष वेधण्यासाठी बजाज पल्सर 150 (Bajaj Pulsar 150) नव्या अवतारात दाखल झाली आहे. अनेक वर्षांपासून भारतीय तरुणांची आवडती बाईक असलेली पल्सर 150, आता लहान पण महत्त्वाच्या बदलांसह बाजारात आली आहे. या अपडेटमुळे बाईकच्या किंमतीतही थोडा बदल झाला आहे. ही नवीन पल्सर 150 मॉडेल इयर 2026 (MY2026) लाइनअपचा भाग म्हणून अपडेट केली आहे. सध्या ही बाईक 4 वेगवेगळ्या व्हेरिएंटमध्ये उपलब्ध आहे.

नवीन पल्सर 150 ची किंमत -

याची एक्स-शोरूम किंमत ₹1,08,772 ते ₹1,15,481 पर्यंत आहे. स्पोर्टी आणि साध्या डिझाइनमुळे पल्सर 150 ही 150cc सेगमेंटमध्ये आपली ओळख टिकवून आहे. डिझाइनमध्ये मोठे बदल नसले तरी, नवीन रंग आणि ग्राफिक्समुळे बाईकला आधुनिक लूक मिळतो. यात मुख्य अपडेट म्हणून LED हेडलाइट आणि LED इंडिकेटर्स दिले आहेत. यामुळे बाईकचा लूक तर सुधारतोच, पण रात्रीच्या प्रवासात उत्तम प्रकाश मिळतो. 17-इंच अलॉय व्हील्स, फ्रंट टेलिस्कोपिक फोर्क्स यांसारखी वैशिष्ट्ये पूर्वीप्रमाणेच आहेत.

बजाजची नवीन बाईक -

इंजिनमध्ये कोणताही बदल केलेला नाही. यात 149.5cc सिंगल-सिलेंडर इंजिन आहे. हे 5-स्पीड गिअरबॉक्सशी जोडलेले असून 13.8 bhp पॉवर आणि 13.25 Nm टॉर्क निर्माण करते. ही बाईक सरासरी 45 ते 50 kmpl मायलेज देते. 150cc कम्युटर बाईक सेगमेंटमध्ये, पल्सर 150 ची स्पर्धा Honda CB Unicorn 150 आणि TVS Apache RTR 160 सारख्या बाईक्सशी आहे. अनेक वर्षांपासून ही बाईक तिच्या दमदार लूक, विश्वासार्ह इंजिन आणि किंमतीमुळे ग्राहकांमध्ये लोकप्रिय आहे.