Mumbai Style Trendy Jewelry : पार्टीसाठी घाला या 7 ट्रेंडी ज्वेलरी, पुरुषांची नजर हटणार नाही

फॅशनच्या दुनियेत जे गेलंय ते परत येतंच. कपडे असोत किंवा दागिने, थोडेफार बदल झाले तरी ते परत ट्रेंडमध्ये येतात. येथे आम्ही ७ अशा दागिन्यांबद्दल सांगणार आहोत जे जुने झाले तरी परत आलेत. 

मुंबई : दागिन्यांशिवाय महिलांचा श्रृंगार अपूर्ण मानला जातो. कानातले आणि गळ्यातील हार न घालता तर अनेक महिला घराबाहेर पडणेही पसंत करत नाहीत. ही त्यांची कम्फर्ट ज्वेलरी बनली आहे. बाजारात प्रत्येक हंगामात नवीन डिझाईन्सची रेलचेल असते, पण यावेळी खास गोष्ट म्हणजे जुने ज्वेलरी डिझाईन्स थोडा मॉडर्न टच घेऊन पुन्हा ट्रेंडमध्ये परतले आहेत. मुंबईमध्ये हे डिझाईन्स फार लोकप्रिय झाले आहेत. ते तुम्हीही वापरु शकता. चला तर मग जाणून घेऊया अशा ७ जुन्या पण आवडत्या ज्वेलरी डिझाईन्सबद्दल ज्या या उन्हाळ्यात पुन्हा फॅशनच्या शर्यतीत आहेत.

हे पार्टीवेअर ज्वेलरी ट्रेंड्स तुमच्यासाठी परफेक्ट

१. गोल्ड-प्लेटेड शंख नेकलेस

समुद्राशी संबंधित असलेले हे नेकलेस डिझाईन्स २०२५ मध्ये शानदार पुनरागमन करत आहेत. गोल्ड पॉलिश केलेले शंख नेकलेस तुम्ही लिनेन सेटसोबत घाला किंवा पार्टीवेअरसोबत, ते सर्वत्र शोभून दिसतात.

२. चंकी रेनबो बीड्स

थोडे टॅकी वाटणारे हे बीड्स आता रेट्रो ट्रेंडचा भाग आहेत. रंगीबेरंगी मोत्यांनी बनलेला नेकलेस तुम्ही कोणत्याही पोशाखाबरोबर, विशेषतः पाश्चात्य पोशाखाबरोबर परफेक्ट मॅच करतो. तुम्हाला हवे असल्यास, फंकी लुक देण्यासाठी रंगीबेरंगी मोत्यांसोबत गोल्ड पेंडेंट देखील जोडू शकता.

३. क्लासिक हूप कानातले

गोल हूप कानातले कधीही आउट ऑफ ट्रेंड होत नाहीत. २०२५ मध्ये ते पुन्हा परतले आहेत, मिनिमल आणि क्लासी अवतारात. बारीक असोत किंवा जाड, तुम्ही ते रोजच्या वापरासाठी किंवा पार्टी आउटफिटसोबतही घालू शकता.

४. मोती कानातले

मोती कानातले देखील पुन्हा ट्रेंडमध्ये आले आहेत. जरी तुम्ही पांढऱ्या मोत्यांसोबत वेगवेगळ्या रंगाचे मोती देखील कानातल्यांमध्ये जोडू शकता. बाजारात मोती कानातल्यांच्या अनेक डिझाईन्स उपलब्ध आहेत.

५. चंकी गोल्ड कानातले

मजबूत, चमकदार आणि बोल्ड, हे कानातले केवळ दागिने नाहीत तर एक पॉवर स्टेटमेंट आहेत. पांढऱ्या टी-शर्टसोबत घाला किंवा कुंदनशी जुळवा, ते प्रत्येक लुकमध्ये जान आणतात.

६. स्टोन पेंडेंट नेकलेस

या उन्हाळ्यात, निसर्ग-प्रेरित स्टोन पेंडेंट्स ट्रेंडमध्ये आहेत. जेड, हिरवा दगड किंवा मऊ टियरड्रॉप आकाराचे पेंडेंट व्हायरल होत आहेत. टँक टॉप, शर्टसोबत घालून स्टायलिश लुक मिळवू शकता.

७. पेंडेंट कानातले

हलके, लटकणारे पेंडेंट कानातले जे गुलाबी, लिलाक आणि गडद गुलाबी दगडांसह येतात. हे ना जास्त बोल्ड आहेत, ना कंटाळवाणे. प्रत्येक वयाच्या आणि प्रत्येक पोशाखाशी जुळणारे हे कानातले वर्षानुवर्षे तुमच्या ज्वेलरी बॉक्समध्ये खास राहतील.