मोबाईलचा अतिवापर पुरुषांच्या प्रजनन क्षमतेवर परिणाम करतो: संशोधन

मोबाईलचा अतिवापर पुरुषांच्या प्रजनन क्षमतेवर परिणाम करू शकतो, असे एका नवीन संशोधनात आढळून आले आहे. दिवसाचा बराच वेळ मोबाईल वापरणाऱ्या पुरुषांमध्ये शुक्राणूंची संख्या कमी असल्याचे संशोधनात दिसून आले आहे. तज्ज्ञांच्या मते, मोबाईलचा अतिवापर शुक्राणूंच्या प्रजनन क्षमतेसाठी धोकादायक ठरू शकतो.

आजकाल मुले ते तरुण मोबाईलवर बराच वेळ घालवतात. ऑफिसचे काम असो वा रील्स पाहणे असो, लोक मोबाईलमध्ये व्यस्त असतात. मोबाईलचा अतिवापर पुरुषांच्या प्रजनन क्षमतेवर नकारात्मक परिणाम करतो.

स्विस पुरुषांवर केलेल्या एका संशोधनात, जास्त मोबाईल वापरणाऱ्या पुरुषांमध्ये शुक्राणूंची घनता कमी असल्याचे आढळून आले. दररोज २० पेक्षा जास्त वेळा मोबाईल वापरणाऱ्या पुरुषांमध्ये शुक्राणूंच्या घनतेत २१% आणि एकूण शुक्राणूंच्या संख्येत २२% घट झाल्याचे आणखी एका अभ्यासात म्हटले आहे.

दीर्घकाळ मोबाईल वापरल्याने शुक्राणूंची गतिशीलता कमी होते, असे काही अभ्यासात आढळून आले आहे. मोबाईल रेडिएशनमुळे शुक्राणूंच्या डीएनएमध्ये बिघाड होऊ शकतो. तसेच, मोबाईल रेडिएशनमुळे ऑक्सिडेटिव्ह स्ट्रेस वाढतो, ज्यामुळे पुरुष प्रजनन अवयवांना हानी पोहोचते.

शुक्राणूंची संख्या का कमी होते?

अंतःस्रावी ग्रंथींवर परिणाम करणारे रसायने अन्न आणि हवेद्वारे शरीरात जातात, ज्यामुळे इतर संप्रेरकांवर परिणाम होतो.

प्रदूषणामुळेही पुरुषांमध्ये शुक्राणूंची संख्या कमी होते.

धूम्रपान आणि मद्यपानाचा अतिरेक शुक्राणूंच्या संख्येवर परिणाम करू शकतो.

स्थूलता आणि अस्वास्थ्यकर आहारामुळेही शुक्राणूंची संख्या कमी होते.

पुरुषांमधील टेस्टोस्टेरॉन या संप्रेरकातील असंतुलनामुळेही शुक्राणूंची संख्या कमी होते.

शुक्राणूंशी संबंधित अनुवांशिक आजार, गुप्त भागातील संसर्ग आणि गोनोरिया या लैंगिक आजारामुळे शुक्राणूंची संख्या कमी होण्याचा धोका असतो.