Mobile Phone: तुमचा फोन सतत हँग होतो? यामुळे तुम्हाला वैताग आलाय का? स्टोरेज क्लिअर करण्यापासून ते सॉफ्टवेअर अपडेटपर्यंत, स्मार्टफोनचा स्पीड वाढवण्याचे 5 सोपे मार्ग खास तुमच्यासाठी. जाणून घ्या याबाबत अधिक
आपल्या रोजच्या आयुष्यात स्मार्टफोन खूप महत्त्वाचा झाला आहे. सकाळच्या अलार्मपासून ते मेसेज पाठवणे, लोकेशन शोधण्यापर्यंत प्रत्येक कामासाठी आपण फोनवर अवलंबून असतो. पण, सुरुवातीला वेगाने चालणारा फोन काही दिवसांनी स्लो होतो किंवा सारखा हँग होतो, हे आपल्या लक्षात येतं. ॲप्स उघडायला जास्त वेळ लागणं, स्क्रीन फ्रीज होणं यांसारख्या समस्यांमुळे युजर्सना खूप त्रास होतो.
26
फोन लॅग होण्याची मुख्य कारणं काय आहेत?
तज्ज्ञांच्या मते, स्मार्टफोन स्लो होण्यामागे फक्त एकच कारण नसतं. सॉफ्टवेअरमधील समस्या, स्टोरेज फुल होणं आणि आपल्या वापराच्या सवयी, या सगळ्यामुळे फोनचा वेग कमी होतो. जेव्हा आपल्या फोनमध्ये एकाच वेळी अनेक ॲप्स चालू असतात, तेव्हा ते जास्त रॅम (RAM) आणि प्रोसेसिंग पॉवर वापरतात. त्यामुळे फोनचा वेग मंदावतो. तसेच, जुन्या फोनमध्ये नवीन मोठे ॲप्स आणि अपडेट्स हाताळण्याची क्षमता नसते, हे देखील एक कारण आहे. दुसरी महत्त्वाची गोष्ट म्हणजे स्टोरेज. फोनची मेमरी जवळपास भरल्यावर, सिस्टीम ऑपरेशन्स नीट काम करत नाहीत. अनावश्यक कॅशे फाइल्स (Cache Files), न वापरलेले ॲप्स, मोठ्या साईझचे फोटो आणि व्हिडिओ फोनच्या वेगावर परिणाम करतात. मग यावर उपाय काय? चला पाहूया.
36
कॅशे फाइल्स वेळोवेळी क्लिअर करा
आपण ॲप्स वापरतो तेव्हा काही तात्पुरत्या फाइल्स जमा होतात. यांनाच 'कॅशे डेटा' (Cache Data) म्हणतात. या फाइल्स खूप वाढल्या की स्मार्टफोनची कार्यक्षमता कमी होते. सेटिंग्समध्ये जाऊन नियमितपणे हा कॅशे क्लिअर केल्याने फोनमध्ये लगेच जागा मोकळी होते. यामुळे फोन वेगाने काम करण्यास मदत होते. **नका असलेले ॲप्स डिलीट करा**
बरेच जण आपल्या फोनमध्ये खूप ॲप्स इन्स्टॉल करतात, पण त्यातील निम्मेही वापरत नाहीत. असे न वापरलेले ॲप्स फोनचे स्टोरेज तर घेतातच, पण बॅकग्राउंडला चालू राहून रॅमचाही (RAM) वापर करतात. त्यामुळे, तुम्ही क्वचित वापरत असलेले किंवा अजिबात न वापरणारे ॲप्स लगेच अनइन्स्टॉल करा. यामुळे तुमच्या फोनवरील भार कमी होईल.
फोन कंपन्या वेळोवेळी जे सॉफ्टवेअर अपडेट्स पाठवतात, ते फक्त नवीन फीचर्ससाठी नसतात. ते सिस्टीममधील बग्स (Bugs) दुरुस्त करून फोनची कामगिरी सुधारतात. जुन्या सॉफ्टवेअरमुळे फोनला सुरक्षेच्या समस्यांसोबतच लॅगिंगच्या समस्येचाही सामना करावा लागतो. त्यामुळे तुमचा फोन आणि त्यातील ॲप्स नेहमी लेटेस्ट व्हर्जनवर अपडेट करत राहा.
56
फोन रीस्टार्ट करा
ही खूप छोटी ट्रिक असली तरी, फोन रीस्टार्ट केल्याने आश्चर्यकारक परिणाम दिसतात. जेव्हा आपण फोन रीस्टार्ट करतो, तेव्हा बॅकग्राउंडमध्ये अनावश्यकपणे चालू असलेल्या सर्व प्रोसेस थांबतात. यामुळे फोनची मेमरी रिफ्रेश होते. आठवड्यातून किमान दोन-तीन वेळा फोन स्विच ऑफ करून ऑन केल्याने छोट्या-छोट्या हँगिंगच्या समस्या आपोआप दूर होतात. **बॅकग्राउंड ॲप्सवर नियंत्रण ठेवा**
आपण एखादे ॲप वापरून बंद केले तरी ते पूर्णपणे बंद होत नाही. बरेच ॲप्स बॅकग्राउंडमध्ये चालूच राहतात. यामुळे फोनची बॅटरी आणि प्रोसेसर पॉवर दोन्ही खर्च होते. फोनच्या सेटिंग्समध्ये जाऊन बॅकग्राउंड ॲक्टिव्हिटी तपासा. अनावश्यक ॲप्सना बॅकग्राउंडमध्ये चालण्यापासून रोखून तुम्ही फोनचा स्पीड वाढवू शकता.
66
नवीन फोन कधी खरेदी करावा?
वर सांगितलेल्या सर्व टिप्स वापरूनही तुमचा फोन स्लोच राहत असेल, तर त्याचे कारण हार्डवेअर जुने असणे असू शकते. साधारणपणे, 3 ते 4 वर्षे जुना झाल्यावर फोन नवीन ॲप्स आणि मोठे अपडेट्स हाताळू शकत नाही. अशावेळी नवीन मॉडेल घेणे हाच सर्वोत्तम उपाय असतो. स्टोरेज व्यवस्थित ठेवून आणि सॉफ्टवेअर अपडेट करून तुम्ही तुमचा स्मार्टफोन बऱ्याच काळासाठी स्मूथपणे वापरू शकता.
