Mobile Market: डिस्प्ले ते कॅमेरा; फोल्डेबल 'iPhone अल्ट्रा'चे फीचर्स आले समोर

Mobile Market: Apple लवकरच आपला पहिला फोल्डेबल आयफोन लाँच करण्याच्या तयारीत आहे. रिपोर्ट्सनुसार, या फोनला 'आयफोन अल्ट्रा' असं नाव दिलं जाईल. हा आतापर्यंतचा सर्वात हाय-एंड आयफोन असेल. जाणून घेऊया आयफोन अल्ट्रामध्ये अपेक्षित असलेले खास फीचर्स...

1. बुक-स्टाईल डिझाइन

आयफोन अल्ट्रा एकदम वेगळ्या डिझाइनमध्ये येणार आहे. रिपोर्ट्सनुसार, हा फोन बुक-स्टाईल डिझाइनचा असेल. याचा आकार जवळपास आयपॅड मिनीइतका असू शकतो. आतल्या स्क्रीनवर क्रीज-फ्री डिस्प्ले मिळण्याची शक्यता आहे. तसेच, आयफोन अल्ट्राला टायटॅनियम बॉडी दिली जाईल, अशीही चर्चा आहे.

2. आयफोन अल्ट्रा डिस्प्ले आकार

आयफोन अल्ट्राच्या बाहेरील डिस्प्लेचा आकार 5.3 ते 5.5 इंच असेल अशी अपेक्षा आहे. तर, आतील डिस्प्ले 7.6 ते 7.8 इंच इतका मोठा असू शकतो. याचा बाहेरील स्क्रीन आयफोन मिनीची, तर आतील स्क्रीन आयपॅड मिनीची आठवण करून देईल.

3. मागील बाजूस दोन कॅमेरे

आयफोन अल्ट्राच्या मागील बाजूस दोन कॅमेरे मिळण्याची शक्यता आहे. यात एक 48-मेगापिक्सलचा मुख्य सेन्सर असेल. दुसरा कॅमेरा 48MP चा अल्ट्रा-वाइड लेन्स असेल. पण, जास्त झूम फीचर असलेली टेलिफोटो लेन्स या फोनमध्ये नसेल. दोन्ही डिस्प्लेवर 18MP चा सेंटर-स्टेज सेल्फी कॅमेरा दिला जाऊ शकतो, जो होल-पंच डिझाइनमध्ये असेल.

4. लेआउट आयपॅडसारखा

हा फोन मिनी आयपॅडप्रमाणे वापरता येणार असल्यामुळे, यात मल्टी-टास्किंगवर जास्त लक्ष दिले जाईल. आयफोन अल्ट्रामध्ये काही खास सॉफ्टवेअर फीचर्स मिळण्याची शक्यता आहे. याचा लेआउट आयपॅडसारखा असू शकतो. हा फोन iOS 27 या ऑपरेटिंग सिस्टमवर चालेल, असंही म्हटलं जातंय.

5. Apple चा पहिला फोल्डेबल फोन

Apple चा पहिला फोल्डेबल फोन, आयफोन अल्ट्रा, लेटेस्ट A20 प्रो चिप आणि कंपनीच्या स्वतःच्या C2 सेल्युलर मॉडेमसह येईल. हीच चिप आणि मॉडेम फीचर्स सप्टेंबरमध्ये लाँच होणाऱ्या आयफोन 18 प्रोमध्येही अपेक्षित आहेत. याशिवाय, 12GB रॅम आणि LPDDR5 सारखे टेक्निकल स्पेसिफिकेशन्सही यात असतील.

6. फेस आयडी मिळणार नाही?

या फोल्डेबल आयफोनमध्ये ग्राहकांना फेस आयडी मिळणार नाही, अशी शक्यता आहे. त्याऐवजी, Apple आयफोन अल्ट्रामध्ये टच आयडी देऊ शकते. हे फीचर पॉवर बटणामध्येच इंटिग्रेट केलेले असेल. आयपॅड एअर आणि आयपॅड मिनीप्रमाणेच हे तंत्रज्ञान काम करेल.