मारुती सुझुकी लवकरच बाजारात दोन नव्या गाड्या आणण्याच्या तयारीत आहे. यात नवीन ब्रेझा फेसलिफ्ट आणि फ्रॉन्क्स फ्लेक्स-फ्यूएल मॉडेलचा समावेश आहे. ब्रेझामध्ये नवीन टर्बो-पेट्रोल इंजिन मिळेल, तर फ्रॉन्क्स इथेनॉल मिश्रित पेट्रोलवर चालेल.
मारुती सुझुकीने नुकतीच आपली पहिली इलेक्ट्रिक एसयूव्ही 'eVitara' 10.99 लाख रुपयांच्या सुरुवातीच्या किमतीत लाँच केली आहे. ही ईव्ही 'बॅटरी-ॲज-ए-सर्व्हिस' (BaaS) प्लॅनसह येते, ज्यामुळे ग्राहकांना ती खरेदी करणं सोपं होतं.
26
ब्रेझा आणि फ्रॉन्क्स फ्लेक्स फ्युअल
कंपनी आता ब्रेझा फेसलिफ्ट आणि फ्रॉन्क्स फ्लेक्स-फ्यूएल व्हेरिएंट लाँच करण्याच्या तयारीत आहे. नवीन ब्रेझा अनेकदा टेस्टिंग करताना दिसली आहे. नवीन मारुती ब्रेझा 2026 येत्या काही महिन्यांत लाँच होण्याची शक्यता आहे, तर फ्रॉन्क्स फ्लेक्स-फ्यूएल या वर्षाच्या दुसऱ्या सहामाहीत शोरूममध्ये दाखल होऊ शकते. चला, याबद्दल सविस्तर जाणून घेऊया.
36
नवीन मारुती ब्रेझा फेसलिफ्ट
2026 मारुती ब्रेझामध्ये डिझाइनमध्ये थोडे बदल, काही नवीन फीचर्स आणि नवीन 1.0-लिटर टर्बो-पेट्रोल इंजिन मिळण्याची अपेक्षा आहे. रेनॉ (Renault) कंपनीकडून घेतलेलं हे टर्बो-पेट्रोल इंजिन 6-स्पीड मॅन्युअल गिअरबॉक्ससोबत जोडले जाईल.
सध्याचे 1.5-लिटर पेट्रोल आणि सीएनजी इंजिनचे पर्यायही उपलब्ध राहतील. गाडीच्या आत, अपडेटेड ब्रेझामध्ये ग्रँड विटाराप्रमाणे मोठी टचस्क्रीन इन्फोटेनमेंट सिस्टीम दिली जाऊ शकते. नवीन ट्रिम्स, अपहोल्स्ट्री आणि फीचर्सचीही अपेक्षा आहे. बाहेरून, फेसलिफ्टेड मॉडेलमध्ये सुधारित बंपर, नवीन अलॉय व्हील्स आणि कनेक्टेड एलईडी टेल लॅम्प्स असू शकतात.
56
मारुती फ्रॉन्क्स फ्लेक्स फ्युअल
मारुती फ्रॉन्क्स फ्लेक्स-फ्यूएल (FFV) च्या इंजिनबद्दलची माहिती अजून समोर आलेली नाही. पण ही गाडी 28% ते 85% इथेनॉल मिश्रित पेट्रोलवर धावू शकेल. फ्लेक्स-फ्यूएलचा टॅग वगळता, ही गाडी दिसायला सध्याच्या मॉडेलसारखीच असेल. या कॉम्पॅक्ट क्रॉसओव्हरची लांबी 3,995 मिमी, रुंदी 1,765 मिमी आणि उंची 1,550 मिमी असेल.
66
फ्रॉन्क्सचं फेसलिफ्ट व्हेरिएंटही येणार
मारुती 2027 मध्ये फ्रॉन्क्सचं फेसलिफ्ट व्हेरिएंट लाँच करण्याचीही योजना आखत आहे. या अपडेटेड व्हर्जनमध्ये डिझाइनमध्ये छोटे बदल आणि काही नवीन फीचर्स समाविष्ट असू शकतात. पण सर्वात मोठे अपग्रेड म्हणजे ADAS (ॲडव्हान्स्ड ड्रायव्हर असिस्टन्स सिस्टीम) आणि कंपनीने विकसित केलेले शक्तिशाली हायब्रिड इंजिन असेल.
