LPG दरात वाढ: घरगुती गॅस सिलेंडर 50 रुपयांनी महाग

एलपीजी गॅस सिलेंडर दर: घरगुती गॅस सिलेंडर म्हणजे एलपीजीच्या किंमतीत ५० रुपयांची वाढ झाली आहे. ही माहिती पेट्रोलियम मंत्री हरदीप सिंह पुरी यांनी दिली. सध्या दिल्लीत गॅस सिलेंडर ८०३ रुपयांना मिळतो, जो किंमती वाढल्यानंतर ८५३ रुपयांना मिळेल. आधीच महागाईने त्रस्त असलेल्या जनतेला सरकारने मोठा धक्का दिला आहे. घरगुती गॅस सिलेंडरच्या किंमतीत ५० रुपयांनी वाढ झाल्याने सरकारला हजारो कोटींचा फायदा होईल, पण सामान्य माणसाच्या खिशाला मोठी झळ बसेल.

उज्ज्वला योजनेअंतर्गत येणाऱ्यांवरही परिणाम

ही वाढ उज्ज्वला योजनेअंतर्गत (Ujjwala Yojana) येणाऱ्या लाभार्थ्यांनाही लागू होईल. आता त्यांना एलपीजी सिलेंडर ५५० रुपयांना मिळेल. तर, सामान्य ग्राहकांना दिल्लीत सिलेंडर ८५३ रुपयांना मिळेल. यापूर्वी याची किंमत ८०३ रुपये होती. 

शहर	एलपीजी सिलेंडरची जुनी किंमत	सिलेंडरची नवीन किंमत
भोपाळ	८०८.५० रुपये	८५८.५० रुपये
दिल्ली	८०३ रुपये	८५३ रुपये
मुंबई	८०२.५० रुपये	८५२.५० रुपये
कोलकाता	८२९ रुपये	८७९ रुपये
चेन्नई	८१८.५० रुपये	८६८.५० रुपये
जयपूर	८०६.५० रुपये	८५६.५० रुपये
पटना	९०१ रुपये	९५१ रुपये
रायपुर	८७४ रुपये	९२४ रुपये

1 एप्रिलला ४४.५० रुपयांनी स्वस्त झाला होता कमर्शियल सिलेंडर

ऑईल मार्केटिंग कंपन्यांनी १ एप्रिल २०२५ रोजी १९ किलोच्या कमर्शियल गॅस सिलेंडरचे दर ४४.५० रुपयांनी कमी केले होते. दिल्लीमध्ये याची किंमत ४१ रुपयांनी घटून १७६२ रुपये झाली. यापूर्वी हे १८०३ रुपयांना मिळत होते. कोलकात्यामध्ये हा कमर्शियल सिलेंडर ४४.५० रुपयांनी घटून १८६८.५० रुपयांना मिळत आहे, जो पूर्वी १९१३ रुपयांचा होता.

पेट्रोल-डिझेलवर उत्पादन शुल्कही वाढवले

यापूर्वी सरकारने पेट्रोल आणि डिझेलवर उत्पादन शुल्क प्रत्येकी दोन-दोन रुपये प्रति लीटरने वाढवले. पेट्रोलवरील उत्पादन शुल्क वाढवून १३ रुपये प्रति लीटर आणि डिझेलवर १० रुपये प्रति लीटर करण्यात आले आहे. मात्र, यामुळे पेट्रोल-डिझेलच्या किंमतीत किती वाढ होईल, हे अद्याप स्पष्ट झालेले नाही. केंद्रीय मंत्री हरदीप सिंह पुरी म्हणाले- आम्ही दर २-३ आठवड्यांनी याचा आढावा घेतो. त्यामुळे, उत्पादन शुल्कात जी वाढ झाली आहे, त्याचा भार पेट्रोल आणि डिझेलवर पडणार नाही. उत्पादन शुल्कात वाढ करण्याचा उद्देश ऑईल मार्केटिंग कंपन्यांना ४३,००० कोटी रुपयांची भरपाई करणे आहे, जे त्यांना गॅसच्या हिश्श्यावर झालेल्या नुकसानीच्या रूपात झाली आहे.