दिवाळी धमाका: JioSaavn वर 3 महिने मोफत संगीत!

मुंबई: दिवाळीच्या उत्सवात, मुकेश अंबानी यांच्या मालकीची कंपनी रिलायन्स इंडस्ट्रीज लिमिटेड आपल्या भागधारकांना, कर्मचाऱ्यांना आणि ग्राहकांना अनेक भेटवस्तू देत आहे. आता संगीत-स्ट्रीमिंग प्लॅटफॉर्म JioSaavn ने सणापूर्वीच एक भेटवस्तू जाहीर केली आहे. वापरकर्ते कोणतेही शुल्क न भरता तीन महिने मोफत JioSaavn Pro सबस्क्रिप्शन मिळवू शकतात. या मोफत सबस्क्रिप्शनमुळे वापरकर्ते उच्च दर्जाचे अमर्यादित संगीत डाउनलोड करू शकतात. हे विशेष ऑफर केवळ निवडक वापरकर्त्यांसाठी उपलब्ध असेल, अशी माहिती JioSaavn ने दिली आहे.

JioSaavn च्या म्हणण्यानुसार, भारतातील वापरकर्ते सणाच्या उत्सवात जाहिरात-रहित संगीत ऐकू शकतात. हे ऑफर Android, iOS, JioPhone आणि वेबसह सर्व डिव्हाइस आणि इतर प्लॅटफॉर्मवर उपलब्ध आहे. नवीन वापरकर्त्यांना वेगळा आणि चांगला अनुभव देणे हे या ऑफरचे उद्देश्य आहे. हे ऑफर केवळ JioSaavn Pro वैयक्तिक सबस्क्रिप्शन वापरकर्त्यांसाठी उपलब्ध असेल.

JioSaavn Pro वैयक्तिक सबस्क्रिप्शनची किंमत फक्त १५ रुपयांपासून सुरू होते. यासोबतच कंपनीने प्रो लाइट प्लॅन देखील दिला आहे. प्रो लाइट प्लॅनसाठी दिवसाला ५ रुपये आणि आठवड्याला १९ रुपये रिचार्ज करावे लागेल. प्रो स्टुडंट प्लॅनचे फायदे मिळवण्यासाठी विद्यार्थ्यांना त्यांची ओळख पडताळावी लागेल.

वैयक्तिक प्लॅनसोबत JioSaavn मध्ये ड्युअल आणि फॅमिली प्लॅन देखील आहेत. ड्युअल प्लॅनमध्ये एका अकाउंटवर दोन सदस्य सदस्यत्व मिळवू शकतात. फॅमिली प्लॅनमध्ये कुटुंबातील पाच सदस्य सबस्क्रिप्शन घेऊन मनोरंजनाचा आनंद घेऊ शकतात. यामध्ये पाचही जणांचे वैयक्तिक प्रो अकाउंट असेल. या दोन्ही प्लॅनची किंमत अनुक्रमे १४९ रुपये आणि १७९ रुपये आहे.

JioSaavn प्रो सबस्क्रिप्शनमध्ये जाहिरातींच्या व्यत्ययाशिवाय संगीताचा आनंद घेता येतो. अॅपमध्ये गाणी डाउनलोड करून, इंटरनेटशिवाय ऐकण्याची सुविधा देखील उपलब्ध आहे. MP3 फाइल्ससाठी उच्च बिटरेट असलेल्या ३२०kbps मध्ये उच्च दर्जाचे संगीत स्ट्रीमिंग देखील सक्रिय होते. तुमच्या जिओ नंबरवर तुम्ही अमर्यादित JioTunes देखील सेट करू शकता.