जिओचा ३६५ दिवसांचा ५G अनलिमिटेड डेटा प्लॅन फक्त ₹६०१ मध्ये!

मुंबई. भारतातील टेलिकॉम क्षेत्रात तीव्र स्पर्धा आहे. अलिकडच्या काळात रिचार्ज दरांमध्ये वाढ झाल्याने खाजगी टेलिकॉम कंपन्यांना नुकसान सोसावे लागले आहे. अनेक ग्राहक बीएसएनएलकडे पोर्ट झाले आहेत. त्यामुळे आता टेलिकॉम कंपन्या कमीत कमी किमतीत जास्तीत जास्त सुविधा देणारे प्लॅन जाहीर करत आहेत. यामध्ये रिलायन्स जिओने आणखी एक बंपर ऑफर जाहीर केली आहे. हा एक अतिशय स्वस्त प्लॅन आहे. फक्त ₹६०१ मध्ये रिचार्ज केल्यास वर्षभर ५G डेटाचा आनंद घेता येईल.

हा प्रोमोशनल प्लॅन दररोज १.५GB डेटा देणार्‍या ₹२९९ च्या प्रीपेड प्लॅन वापरकर्त्यांसाठी आहे. जुलै महिन्यात रिलायन्स जिओने ५G डेटा ऑफर जाहीर केली होती. ₹२३९ किंवा त्याहून अधिकचा रिचार्ज करून जिओ वेलकम ऑफर सक्रिय करण्याचे आवाहन केले होते. आता जिओने हाच प्लॅन अपग्रेड केला आहे. आता ₹६०१ चा ५G डेटा व्हाउचर प्लॅन जाहीर केला आहे. ज्यांनी आधीच जिओ वेलकम ऑफर सक्रिय केला आहे, ते आता सहजपणे ५G डेटाचा मोफत प्लॅन व्हाउचर घेऊन वर्षभर डेटाचा आनंद घेऊ शकतात.

हा प्लॅन गिफ्ट करता येतो किंवा ट्रान्सफर करता येतो. म्हणजेच, ₹६०१ चा रिचार्ज व्हाउचर घेऊन तुम्ही तुमच्या प्रियजनांना किंवा मित्रांना गिफ्ट देऊ शकता किंवा ट्रान्सफर करू शकता. हा ₹६०१ चा रिचार्ज प्लॅन १२ वेगवेगळ्या व्हाउचरद्वारे उपलब्ध आहे. यापैकी ₹५१ चा रिचार्ज केल्यासही वर्षभर ५G डेटाचा आनंद घेता येईल. पण तो अनलिमिटेड नसून, मर्यादित डेटा असेल.

व्हाउचर प्लॅन कसा सक्रिय करायचा?

पायरी १: तुमच्या स्मार्टफोनवरून मायजिओ अ‍ॅप उघडा.
पायरी २: मायजिओ अ‍ॅपमधील 'माय व्हाउचर' पर्याय निवडा.
पायरी ३: 'रिडीम' चिन्ह दाबून सक्रिय करा.

याशिवाय रिलायन्स जिओने आणखी ऑफर दिल्या आहेत. ₹११ मध्ये १०GB डेटा एका तासाच्या वैधतेसह दिला जात आहे. याशिवाय ₹४९, ₹१७५, ₹२१९, ₹२८९, ₹३५९ असे अनेक डेटा प्लॅन जिओने जाहीर केले आहेत.

रिलायन्स जिओ आता ऑफरद्वारे ग्राहकांना आकर्षित करत आहे. ज्यांनी आधीच ५G डेटाचा रिचार्ज केला आहे, ते आता व्हाउचर प्लॅन सक्रिय करून वर्षभर डेटा मिळवू शकतात. जिओ आता कमी दरात प्लॅन देत आहे. यामुळे ग्राहक पोर्ट होणार नाहीत याची काळजी घेत आहे. दुसरीकडे, बीएसएनएलही कमी किमतीच्या रिचार्ज प्लॅनद्वारे ग्राहकांना आकर्षित करत आहे. आता सरकारी मालकीची ही टेलिकॉम कंपनी ५G डेटा लाँच करण्याची तयारी करत आहे. २०२५ पासून बीएसएनएल ५G डेटा सेवा देईल.