Phone Location Tracking : तुमचं लोकेशन, तुमचा फोन कुणी ट्रॅक करतंय का?, आता शोधता येणार

Phone Location Tracking : तुमचं लोकेशन ट्रॅक होत आहे की नाही हे तपासण्याचा आणि ते टाळण्याचा एक सोपा मार्ग आहे. तुमचं लोकेशन कोण ट्रॅक करतंय, हे शोधण्यासाठी फोनमधील एक छोटी सेटिंग तुम्हाला मदत करेल.

अँड्रॉइड फोन वापरणारे बहुतेक लोक फोनमध्ये लोकेशन चालू ठेवतात. अनेक ॲप्स इन्स्टॉल करताना लोकेशन ॲक्सेस करण्याची परवानगी दिली जाते. पण आजच्या काळात हे तितकेसे सुरक्षित नाही, हे लक्षात ठेवा. सायबर फसवणुकीचे प्रकार दिवसेंदिवस वाढत आहेत. काळजी न घेतल्यास तुमचं नुकसान होऊ शकतं. लोकेशन ट्रॅकिंग हा एक मोठा सुरक्षेचा धोका आहे. जर कोणी गुपचूप तुमचं लोकेशन ट्रॅक करत असेल, तर तुमची प्रायव्हसी आणि सुरक्षा धोक्यात येऊ शकते.

कुणी तुम्हाला ट्रॅक करतंय कसं ओळखाल -

तुमचं लोकेशन ट्रॅक होत आहे की नाही हे तपासण्याचा आणि ते टाळण्याचा एक सोपा मार्ग आहे. तुमचं लोकेशन कोण ट्रॅक करतंय, हे शोधण्यासाठी फोनमधील एक छोटी सेटिंग तुम्हाला मदत करेल. यासाठी, सेटिंग्ज ओपन करा. खाली स्क्रोल केल्यावर तुम्हाला गुगलचा पर्याय दिसेल. गुगल पर्यायावर टॅप करा. यानंतर, तुमच्या अकाउंटवर टॅप करा. त्यानंतर 'तुमचे गुगल अकाउंट व्यवस्थापित करा' हा पर्याय दिसेल. त्यावर टॅप करा.

गुगल अकाउंटमध्ये 'लोक आणि शेअरिंग' हा पर्याय दिसेल. येथे तुम्हाला 'लोकेशन शेअरिंग' या पर्यायावर टॅप करायचं आहे. लोकेशन शेअरिंगवर टॅप केल्याने तुमचं लोकेशन शेअर होत आहे की नाही, हे तुम्ही सहजपणे शोधू शकता. याशिवाय, कोणतं ॲप तुमचं लोकेशन ट्रॅक करत आहे, हे देखील शोधता येईल. फोनच्या सेटिंग्जमध्ये जाऊन लोकेशन पर्यायातील ॲप परवानग्यांवर टॅप करा. कोणकोणते ॲप्स तुमचं लोकेशन ॲक्सेस करत आहेत, हे तुम्ही येथे पाहू शकता.