Home Gardening: सापाला घरापासून दूर ठेवताना खूप काळजी घ्यावी लागते. साप आपल्या परिसंस्थेचा एक महत्त्वाचा भाग आहेत, पण त्यांच्यापासून सुरक्षित अंतर ठेवणं गरजेचं आहे. घरात साप येऊ नये म्हणून ही काही खास झाडं तुम्ही लावू शकता.
सापाला घरातून किंवा घराच्या परिसरातून घालवताना खूप काळजी घ्यावी लागते. घरात साप येऊ नये यासाठी काही खास झाडं मदत करतात. चला, जाणून घेऊया ही झाडं कोणती आहेत.
27
झेंडूचं फूल सापांना आणि इतर कीटकांना दूर ठेवतं
झेंडूची फुलं बागेची शोभा वाढवतात. या फुलांच्या मुळांमध्ये एक नैसर्गिक कंपाऊंड असतं, जे केवळ सापांनाच नाही, तर इतर कीटक आणि लहान प्राण्यांनाही दूर ठेवतं.
37
लसणाचा तीव्र वास सापांना सहजपणे दूर पळवून लावतो
लसणाचा वास खूप तीव्र असतो हे सर्वांनाच माहीत आहे. हाच तीव्र वास आणि त्याचे इतर गुणधर्म सापांना सहज दूर ठेवण्यास मदत करतात. तुम्ही लसूण ठेचून किंवा त्याचा रस काढून वापरू शकता.
गवती चहामधील सिट्रोनेला घटक प्राणी आणि कीटकांना दूर ठेवतो
गवती चहामध्ये (लेमनग्रास) सिट्रोनेला नावाचा घटक असतो. हा घटक कीटक आणि प्राण्यांना दूर ठेवतो. अनेक घरांमध्ये डासांना पळवण्यासाठी गवती चहा वापरतात. हे झाड घराच्या अंगणात लावल्यास साप येत नाहीत.
57
लॅव्हेंडरचा सुगंध सापांना आवडत नाही आणि ते दूर राहतात
लॅव्हेंडरचा सुगंध माणसांना खूप सुखद वाटतो, पण सापांना तो अजिबात सहन होत नाही. असं म्हटलं जातं की, या सुगंधामुळे साप दूर राहतात.
67
कांद्याचा गंध सापांना दूर ठेवण्यासाठी प्रभावी आहे
कांद्याचा वाससुद्धा सापांना दूर ठेवतो. कांदा ठेचून किंवा त्याचा रस पाण्यात मिसळून घराभोवती शिंपडता येतो. यातील सल्फरचा गंध सापांना त्रासदायक ठरतो.
77
रोझमेरीचा तीव्र सुगंध सापांना दूर ठेवण्यास मदत करतो
रोझमेरीचा तीव्र सुगंध सापांना दूर ठेवण्यास मदत करतो. मात्र, साप पकडणाऱ्या तज्ज्ञांच्या मते, रोझमेरीची दाट झुडपं सापांना थंड, सुरक्षित आणि दमट जागा उपलब्ध करून देऊ शकतात.
