Holi Tips: होळीचे पक्के रंग काढताय? चेहऱ्याला आणि हातांना इजा न करता वापरा हे २ घरगुती उपाय

Holi Tips: होळी खेळताना रंगांची उधळण करायला खूप भारी वाटतं, पण नंतर हेच रंग काढताना नाकी नऊ येतात. केमिकलवाले रंग त्वचेला हानी पोहोचवतात. पण काळजी नको, काही सोपे घरगुती उपाय करून तुम्ही हे रंग सहज काढू शकता.

होळीचा सण म्हणजे मजा, मस्ती आणि रंगांची उधळण. पण हेच पक्के रंग जेव्हा चेहऱ्यावर आणि हातांवर बसतात, तेव्हा ते काढणं एक मोठं आव्हान असतं. अनेकदा केमिकलवाले रंग त्वचेला असे काही चिकटतात की ते लवकर निघतच नाहीत. मग आपण साबण किंवा फेसवॉशने चेहरा आणि हात इतके घासतो की त्वचा लाल होते किंवा पुरळ येतात. पण काही घरगुती उपायांनी तुम्ही हे रंग सहज काढू शकता, तेही त्वचेला कोणतंही नुकसान न होऊ देता. आम्ही तुम्हाला असे दोन सोपे पॅक सांगणार आहोत, ज्यांच्या मदतीने तुम्ही हातावरचे आणि चेहऱ्यावरचे रंग सहज काढू शकाल.

हातांसाठी इन्स्टंट क्लिनिंग पॅक

जर तुमच्या हातांवर होळीचा गडद रंग लागला असेल, तर हा सोपा उपाय करून बघा-

कसा वापरायचा:

एक ताजं लिंबू घ्या आणि ते मधून कापा. लिंबाच्या कापलेल्या भागावर थोडं इनो आणि कोणताही शॅम्पू लावा. आता हे मिश्रण हातांवर ५ ते १० मिनिटं हलक्या हातांनी चोळा. त्यानंतर पाण्याने हात स्वच्छ धुवा.

हे काम कसं करतं?

लिंबामध्ये सायट्रिक ॲसिड असतं आणि शॅम्पूमध्ये क्लिनिंग प्रॉपर्टीज असतात. हे दोन्ही मिळून त्वचेवरचा रंग हलका करायला मदत करतात. यामुळे हात स्वच्छ आणि मऊ दिसतात.

चेहऱ्यासाठी नॅचरल ग्लो फेस पॅक

चेहऱ्याची त्वचा खूप नाजूक असते, त्यामुळे होळीचे रंग काढण्यासाठी सौम्य आणि नैसर्गिक पॅक वापरणं गरजेचं आहे.

फेस पॅक बनवण्याची पद्धत:

• २ चमचे बेसन
• १ चिमूट हळद
• १ चमचा मध
• थोडंसं कच्चं दूध

या सगळ्या गोष्टी एकत्र करून एक गुळगुळीत पेस्ट बनवा. ही पेस्ट चेहरा आणि मानेवर लावा. ५-७ मिनिटं हलक्या हातांनी मसाज करा आणि मग पाण्याने धुऊन टाका. बघा, रंग लगेच निघून जाईल.

याचा फायदा काय?

हा फेस पॅक त्वचेवरून रंग तर काढतोच, पण त्वचेला पोषणही देतो. बेसन आणि हळद त्वचा स्वच्छ करतात, तर मध आणि दूध त्वचेला मॉइश्चराइझ करण्याचं काम करतात.

या गोष्टी लक्षात ठेवा

खूप जास्त घासल्याने त्वचेचं नुकसान होऊ शकतं. पॅक लावल्यानंतर चेहऱ्यावर मॉइश्चरायझर नक्की लावा. होळी खेळायला जाण्यापूर्वी त्वचेवर तेल किंवा मॉइश्चरायझर लावून घ्या, म्हणजे रंग जास्त बसणार नाही.