सतत गोड खावंसं वाटतं? गोड खाल्ल्याशिवाय चैन पडत नाही? मग हा उपाय करुन बघा

अनेकांना जेवणानंतर, झोपताना गोड हवं, काहीतरी चघळायला गोड हवं असं वाटतं. जर तुम्हाला सतत गोड खाण्याची इच्छा होत असेल आणि तुम्ही ते खात असाल, तर आजारपण निश्चित आहे. या गोड खाण्याच्या सवयीतून बाहेर पडण्यासाठी काही सोप्या टिप्स फॉलो करा. 

गोड खाण्याची इच्छा पूर्ण करण्यासाठी आणि आरोग्य जपण्यासाठी नैसर्गिकरित्या गोड फळांचे सेवन करणे हा एक उत्तम पर्याय आहे. पण अनेक कृत्रिम साखरेचे पदार्थ सेवन करण्याला प्राधान्य देतात.  

कोणत्याही प्रकारची खाण्याची इच्छा असली तरी ती आरोग्यासाठी (Health) पूरक असावी. ज्यांना गोड (Sweet) जास्त आवडते, ते सतत गोड पदार्थ खात राहिल्यास त्यांच्या आरोग्यावर परिणाम होतो. कृत्रिम साखरेपासून बनवलेल्या पदार्थांचे सेवन तर आरोग्यासाठी खूपच हानिकारक आहे. आईस्क्रीम, पेस्ट्री, मिठाई यांसारखे पदार्थ काही दिवसांतच माणसाचे आरोग्य बिघडवतात. अशा पदार्थांमुळे मधुमेह, हृदयाचे आजार यांसारख्या समस्याही उद्भवतात. त्यामुळे ज्यांना जास्त गोड खाण्याची इच्छा असते, त्यांनी साखरेची भूक भागवणाऱ्या काही फळांचे सेवन करणे उत्तम आहे. यामुळे शरीरावर कोणतेही दुष्परिणाम होत नाहीत. तुमची साखरेची तल्लफ (शुगर क्रेविंग) देखील कमी होईल. अशा फळांविषयीची माहिती येथे दिली आहे.

आंबा (Mango): फळांचा राजा आंबा न आवडणारे लोक खूपच कमी आहेत. आंब्यामध्ये साखरेचे प्रमाण भरपूर असते. साखरेव्यतिरिक्त, त्यात फायबर, व्हिटॅमिन सी, ए, ई आणि व्हिटॅमिन के असते. त्यामुळे, कोणत्याही कृत्रिम साखराशिवाय असलेला आंबा आरोग्यासाठी खूप चांगला आहे. तसेच, ज्यांना जास्त गोड खावेसे वाटते, ते शुगर क्रेविंग कमी करण्यासाठी आंब्याचे सेवन करू शकतात.

नाशपाती (Pear): नाशपाती फळ गोड खाण्याची इच्छा कमी करते. नाशपाती खायला खूप चविष्ट असण्यासोबतच त्यात फायबरचे प्रमाणही चांगले असते. फायबरमुळे कोलेस्ट्रॉल नियंत्रणात राहते. साधारणपणे गोड खाल्ल्याने वजन वाढते. नाशपाती खाल्ल्याने वजन वाढत नाही. यामुळे आरोग्यही चांगले राहते.

टरबूज (Watermelon): उन्हाळ्यात सर्वत्र दिसणारे टरबूज शुगर क्रेविंग कमी करण्यासाठी एक उत्तम मार्ग आहे. जास्त प्रमाणात पाण्याचा अंश असलेल्या टरबूजामध्ये लोहाचे प्रमाणही असते. टरबूज गोड खाण्याची इच्छा देखील नियंत्रित करते.

खरबूज (Muskmelon): खायला गोड लागणाऱ्या खरबुजामध्ये कॅलरीजचे प्रमाण खूप कमी असते. हे शरीर थंड ठेवण्यासही मदत करते. ज्यांना शुगर क्रेविंगची समस्या आहे, ते दररोज खरबुजाचे सेवन करू शकतात. हे साखर खाण्याची इच्छा नियंत्रणात ठेवते.

बेरीज (Berries): ब्लूबेरी, स्ट्रॉबेरी, ब्लॅकबेरी आणि रास्पबेरी इत्यादी फळे शुगर क्रेविंग कमी करण्यास मदत करतात. या सर्व बेरीज एकत्र करून देखील खाऊ शकता. हे निरोगी शरीरासाठी खूप चांगले आहे.

केळे: केळे साधारणपणे वर्षभर उपलब्ध असते. केळ्याचे नियमित सेवन केल्यानेही शुगर क्रेविंग कमी करता येते. केळ्यामध्ये लोह, मॅग्नेशियम आणि पोटॅशियम यांसारखी पोषक तत्वे असतात. त्यात नैसर्गिक साखर असल्याने, शुगर क्रेविंग कमी करण्यासाठी हे खूप चांगले आहे.