Health Tips: आहारात केशराचा समावेश केल्याने कोणते होतात 5 आरोग्यदायी फायदे?

Health Tips: पदार्थांना रंग आणि चव देण्यासाठी, त्वचेच्या सौंदर्यासाठी आणि चांगला सुगंध मिळवण्यासाठी याचा वापर केला जातो.याच्या सेवनाने पचनक्रिया सुधारते, त्वचेला नैसर्गिक चमक येते. केशराचे सेवन आरोग्यासाठी उत्तम असले तरी, ते मर्यादित प्रमाणातच करावे.

health Tips: केशर हा एक मौल्यवान, सुगंधी आणि औषधी मसाल्याचा पदार्थ आहे आणि याचा वापर खाद्यपदार्थांना रंग, चव आणि सुगंध देण्यासाठी तसेच सौंदर्यप्रसाधने आणि औषधांमध्ये होतो.  काश्मीरमध्ये याची लागवड होते. हे फुलांच्या स्त्रीकेसरपासून मिळते, जे अत्यंत काळजीपूर्वक हाताने गोळा करावे लागतात. सुमारे 40,000 फुलांपासून अर्धा किग्रॅ. केशर मिळते, म्हणूनच हे अत्यंत महाग असते. याला 'लाल सोने' असेही म्हणतात. सध्या भारताच्या काश्मीर व्यतिरिक्त इराण, स्पेन, फ्रान्स, इटलीमध्येही याची लागवड केली जाते. 

केशर हे अनेक आरोग्यदायी गुणांनी परिपूर्ण आहे. पदार्थांना रंग आणि चव देण्यासाठी, त्वचेच्या सौंदर्यासाठी आणि चांगला सुगंध मिळवण्यासाठी याचा वापर केला जातो. पण केवळ इतकेच नाही, तर केशराचे सेवन केल्याने तुम्हाला अनेक आरोग्यदायी फायदेही मिळतात. ते फायदे कोणते आहेत, हे सविस्तर जाणून घेऊया.

रोगप्रतिकारशक्ती वाढवते

केशरामध्ये भरपूर अँटीऑक्सिडंट्स आणि इतर पोषक तत्वे असतात. हे रोगप्रतिकारशक्ती वाढवण्यासाठी मदत करते. हळद, लवंग, दालचिनी, आले यांसारख्या मसाल्यांच्या पदार्थांसोबतही याचे सेवन करता येते. हे शरीरातील विषारी घटक सहजपणे बाहेर काढण्यासही मदत करते. मात्र, केशराचे सेवन जास्त प्रमाणात करू नये.

मानसिक आरोग्य सुधारते

मानसिक ताण कमी करण्यासाठी आणि चांगली झोप लागण्यासाठी केशराचे सेवन करणे फायदेशीर आहे. पण, केशराचे सेवन मर्यादित प्रमाणातच करावे. कारण यामुळे इतर आरोग्य समस्या निर्माण होऊ शकतात.

हृदयाचे आरोग्य सुधारते

केशरामध्ये भरपूर प्रमाणात अँटीऑक्सिडंट्स असतात. हे हृदयाच्या आरोग्याचे रक्षण करते. हे ऑक्सिडेटिव्ह स्ट्रेस कमी करण्यास आणि हृदयरोगांपासून संरक्षण करण्यास मदत करते. याशिवाय, पेशींना आधार देण्यासाठीही केशराचे सेवन करणे चांगले आहे.

त्वचेला चमक येते

त्वचा चमकदार बनवण्यासाठी आणि त्वचेचे आरोग्य जपण्यासाठी केशर खूप फायदेशीर आहे. याचा वापर फेस पॅक क्रीम म्हणूनही केला जातो.

पचनक्रिया सुधारते

पचनक्रिया सुधारण्यासाठीही केशराचे सेवन करणे चांगले आहे. हे पोट फुगण्याची समस्या टाळते आणि पचनाच्या समस्या दूर करण्यास मदत करते. दररोज माफक प्रमाणात केशराचे सेवन करता येते.