Health care : मासिक पाळीत स्ट्रॉबेरी आणि डार्क चॉकलेट खाण्याचे हे आहेत फायदे....

Health care : स्ट्रॉबेरीमध्ये व्हिटॅमिन सी भरपूर प्रमाणात असते. तसेच त्यात अँटी-इंफ्लेमेटरी गुणधर्मही आहेत. जेव्हा तुम्ही ते पॉलीफेनॉल असलेल्या डार्क चॉकलेटसोबत खाता, तेव्हा मासिक पाळीतील वेदना आणि इतर त्रास कमी होतो. 

Health care : महिलांची मासिक पाळी हा निसर्गचक्राचाच एक भाग आहे. पण काही वेळा काही महिलांना या मासिक पाळीचा खूप त्रास होतो. म्हणजे, हा काळ वेदनामय असतो. या काळात खाण्यावरही नियंत्रण ठेवावे लागते. याची काही पथ्येपाणी सांभाळावी लागतात. विशेषत:, गोड खाण्याची इच्छा होते. पण तेही त्रासदायक ठरू शकते. मग अशावेळी या महिलांनी काय करावे? आहारतज्ज्ञांनी यावर एक उपाय सांगितला आहे.   

बहुतेक महिलांना मासिक पाळीच्या काळात चॉकलेट, पेस्ट्री यांसारख्या गोष्टी खाण्याची इच्छा होते. पाळीच्या दिवसांमध्ये अनेकदा साखरे खाण्याची इच्छा होते. गोड पदार्थ त्या काळात खूप आनंद देतात, पण कॅलरीजकडे फारसे कोणी गांभीर्याने पाहत नाही. जास्त साखर खाल्ल्याने रक्तातील ग्लुकोजची पातळी वाढते. यामुळे थकवा आणि मूड स्विंग्स होऊ शकतात. पोषणतज्ञ दीप्शिखा जैन यांनी त्यांच्या इंस्टाग्राम पोस्टमध्ये मासिक पाळीच्या काळात साखरेची लालसा कमी करणाऱ्या एका चविष्ट आणि पौष्टिक पदार्थाबद्दल सांगितले आहे. त्यांच्या मते, पाळीच्या दिवसांमध्ये डार्क चॉकलेटमध्ये स्ट्रॉबेरी बुडवून खाणे फायदेशीर ठरते.

स्ट्रॉबेरीमध्ये व्हिटॅमिन सी भरपूर प्रमाणात असते. तसेच त्यात अँटी-इंफ्लेमेटरी (दाहक-विरोधी) गुणधर्मही आहेत. जेव्हा तुम्ही ते पॉलीफेनॉल असलेल्या डार्क चॉकलेटसोबत खाता, तेव्हा मासिक पाळीतील वेदना आणि इतर त्रास कमी होतो. तुम्हाला हव्या असलेल्या गोड पदार्थांऐवजी तुम्ही हे खाऊ शकता. हे कॉम्बिनेशन मासिक पाळीच्या काळातील समस्या दूर ठेवते.

स्ट्रॉबेरीसोबत 70 टक्क्यांपेक्षा जास्त कोको असलेले डार्क चॉकलेट खावे. डार्क चॉकलेट मॅग्नेशियमचा एक उत्तम स्रोत आहे. हे स्नायूंचे आकुंचन कमी करण्यास आणि मासिक पाळीतील वेदना कमी करण्यास मदत करते.

मॅग्नेशियम सेरोटोनिनची पातळी वाढवण्यासही मदत करते. डार्क चॉकलेटमध्ये अँटीऑक्सिडंट्स असतात, जे सूज कमी करण्यास आणि मासिक पाळीतील अस्वस्थता कमी करण्यास मदत करतात.