आता तुम्हाला कोणीही फसवू शकणार नाही, फक्त व्हॉट्सॲपचं हे नवीन फीचर ऑन करा

New WhatsApp Security Feature : हॅकर्स आणि सायबर फसवणूक करणाऱ्यांपासून युजर्सना वाचवण्यासाठी व्हॉट्सॲपने एक नवीन फीचर आणले आहे. या फीचरचे नाव 'स्ट्रिक्ट अकाउंट सेटिंग्स' आहे.

स्ट्रिक्ट अकाउंट सेटिंग्स

युजर्सची सुरक्षा वाढवण्यासाठी मेटाच्या इन्स्टंट मेसेजिंग प्लॅटफॉर्म व्हॉट्सॲपने एक जबरदस्त फीचर आणले आहे. या नवीन सुरक्षा प्रणालीचे नाव 'स्ट्रिक्ट अकाउंट सेटिंग्स' आहे. हे फीचर व्हॉट्सॲपवर कसे सुरू करायचे आणि त्याची वैशिष्ट्ये काय आहेत, हे सविस्तर जाणून घेऊया.

हॅकर्सना बसणार चाप

हे फीचर अनोळखी नंबरवरून येणारे मीडिया, अटॅचमेंट्स आणि कॉल्स आपोआप ब्लॉक करते. अनोळखी कॉन्टॅक्ट्सच्या लिंक्सचे प्रिव्ह्यू देखील डिसेबल करते. यामुळे हॅकिंगचे प्रयत्न रोखता येतील. हॅकर्स सहसा अशाच प्रकारे युजर्सना लक्ष्य करतात.

हे फीचर कसे ऑन करायचे?

हे फीचर एका क्लिकवर सुरू करता येते. व्हॉट्सॲपच्या Settings > Privacy > Advanced मध्ये जा. येथे 'Strict Account Settings' दिसेल. सर्वात खाली 'Turn On' पर्यायावर टॅप करून फीचर सुरू करा.

व्हॉट्सॲपमधील लॉकडाऊन-स्टाईल फीचर

हे एक लॉकडाऊन-स्टाईल फीचर आहे, जे अत्याधुनिक सायबर हल्ल्यांपासून अकाउंटचे संरक्षण करते. पत्रकार, सार्वजनिक व्यक्तींसारख्या हाय-रिस्क युजर्ससाठी हे खूप उपयुक्त आहे, असे मेटाने म्हटले आहे. हा मेटाच्या सुरक्षा प्रयत्नांचा एक भाग आहे.

एंड-टू-एंड एन्क्रिप्शन

व्हॉट्सॲपचे मेसेज एंड-टू-एंड एन्क्रिप्टेड आहेत. तरीही, हॅकर्स लिंक्स आणि APK फाइल्स पाठवून फसवणूक करतात. या वाढत्या घटनांमुळे व्हॉट्सॲपने हे नवीन, अधिक कठोर सुरक्षा फीचर आणले आहे.