Electric Scooters: पेट्रोल पंपावरच्या लांब रांगांना कंटाळलात? दर महिन्याला हजारो रुपये आणि तुमचा वेळ वाचवणाऱ्या 5 बेस्ट इलेक्ट्रिक स्कूटर्सबद्दल जाणून घ्या.
देशात पेट्रोल तुटवड्याची अफवा पसरताच पंपांवर गर्दी उसळली होती. या पेट्रोलच्या त्रासाला कंटाळून लोक आता इलेक्ट्रिक वाहनांकडे (EV) वळत आहेत. पेट्रोल स्कूटर चालवण्यासाठी प्रति किलोमीटर सुमारे ₹2.33 ते ₹2.63 खर्च येतो. याउलट, घरी चार्ज होणाऱ्या इलेक्ट्रिक स्कूटरचा खर्च फक्त ₹1.30 ते ₹1.50 प्रति किलोमीटर आहे. म्हणजेच, इलेक्ट्रिक स्कूटर वापरल्यास तुम्ही वर्षाला तब्बल ₹45,000 वाचवू शकता.
27
Ola S1 Pro
तुम्हाला वेग आणि टेक्नोलॉजी आवडत असेल, तर ओला एस१ प्रो (Ola S1 Pro) तुमच्यासाठीच आहे. ही स्कूटर एकदा पूर्ण चार्ज केल्यावर प्रत्यक्षात १३५ किलोमीटरपर्यंतची रेंज देते. पेट्रोल स्कूटरच्या तुलनेत, ओला एस१ प्रो वापरल्यास तुम्ही महिन्याला पेट्रोलवरचे थेट ₹1,345 वाचवू शकता. याचा पिकअप जबरदस्त असल्यामुळे शहरातल्या ट्रॅफिकमध्ये चालवायला मजा येते.
37
Ather 450X
तुम्हाला प्रीमियम अनुभव आणि उत्तम बिल्ड क्वालिटी हवी असेल, तर एथर ४५०एक्स (Ather 450X) हा एक उत्तम पर्याय आहे. ही स्कूटर इको मोडमध्ये ११५.५ किलोमीटरपर्यंतची खरी रेंज देते. याचा डॅशबोर्ड आणि नेव्हिगेशनचा अनुभव खूपच स्मूथ आहे. किंमत थोडी जास्त असली तरी, याची ड्रायव्हिंग क्वालिटी आणि परफॉर्मन्समुळे दिलेला प्रत्येक पैसा वसूल होतो.
ज्यांना एक सुरक्षित आणि विनात्रास फॅमिली स्कूटर हवी आहे, त्यांच्यासाठी टीव्हीएस आयक्यूब (TVS iQube) एक बेस्ट ऑप्शन आहे. ही स्कूटर 100 किलोमीटरपर्यंतची खरी रेंज देते. देशभरात पसरलेलं टीव्हीएसचं सर्व्हिस नेटवर्क या स्कूटरला एक विश्वासार्ह पर्याय बनवतं. यात फार तामझाम नाही, ही एक पक्की फॅमिली स्कूटर आहे जी तुम्हाला शांतपणे तुमच्या ठिकाणावर पोहोचवते.
57
Bajaj Chetak
बजाज चेतक, हे नावच पुरेसं आहे. फायबर बॉडीच्या स्कूटर घ्यायला जे लोक कचरतात, त्यांच्यासाठी ही स्कूटर मजबूत मेटल बॉडीसह येते. ही स्कूटर 95 किलोमीटरची खरी रेंज देते. पेट्रोल आणि मेंटेनन्सच्या खर्चात बचत करून, ही स्कूटर फक्त 2.8 वर्षांत (सुमारे 34 महिने) तिची पूर्ण किंमत वसूल करून देते. रोजच्या वापरासाठी हा एक मजबूत सोबती आहे.
67
Simple One
वाटेत बॅटरी संपेल की काय, अशी भीती तुम्हाला वाटत असेल, तर सिंपल वन (Simple One) तुमची ही चिंता दूर करेल. ही स्कूटर तब्बल 150 किलोमीटरपर्यंतची जबरदस्त खरी रेंज देते, जी या बजेटमध्ये सर्वाधिक आहे. यात मोठी बॅटरी असल्यामुळे रोज-रोज चार्जिंग करण्याचं टेन्शन राहत नाही.
77
फायदे काय?
वेळेची बचत: पेट्रोल पंपावर जाण्याची गरजच नाही. रात्री मोबाईलप्रमाणे स्कूटर चार्जिंगला लावा आणि सकाळी ती तयार असेल. प्लग लावण्या-काढण्याचा महिन्याभराचा एकूण वेळ फक्त 3 मिनिटे लागतो.
देखभालीवर मोठी बचत: पेट्रोल स्कूटरच्या सर्व्हिसिंगचा वार्षिक खर्च सुमारे ₹4,500 ते ₹7,500 असतो, कारण त्यात इंजिन ऑइल, एअर फिल्टर, स्पार्क प्लग बदलावे लागतात. इलेक्ट्रिक स्कूटरमध्ये या गोष्टी नसल्यामुळे तिचा वार्षिक देखभाल खर्च फक्त ₹1,500 ते ₹3,000 येतो.
जर तुम्ही दिवसाला 30 ते 50 किलोमीटर प्रवास करत असाल, तर इलेक्ट्रिक स्कूटर हा एक स्मार्ट पर्याय आहे. सुरुवातीला थोडी महाग वाटली तरी, 3 ते 4 वर्षांत होणाऱ्या बचतीतून स्कूटरची पूर्ण किंमत वसूल होते. तुम्ही तुमच्या गरजेनुसार (जास्त रेंज, मजबूत बॉडी किंवा स्मार्ट फीचर्स) एक मॉडेल निवडू शकता.
