ब्रोकोली ही अनेक आरोग्यदायी गुणांनी परिपूर्ण भाजी आहे. भरपूर पोषक तत्वे असल्याने हिवाळ्यात आहारात तिचा समावेश करणे आवश्यक आहे. यामागचे नेमके काय कारण काय आहे, ते जाणून घेऊयात.
हिवाळ्यात अनेक प्रकारचे आजार होतात. रोगप्रतिकारशक्ती चांगली असेल तरच आजारांना प्रतिबंध करता येतो. ब्रोकोलीमध्ये व्हिटॅमिन सी भरपूर प्रमाणात असते. हे रोगप्रतिकारशक्ती वाढवण्यास मदत करते.
27
पचनक्रिया सुधारते -
ब्रोकोलीमध्ये फायबर भरपूर प्रमाणात असते. यामुळे पचनक्रिया सुधारण्यास मदत होते. सॅलडमध्ये घालूनही तुम्ही खाऊ शकता.
37
कोरड्या त्वचेला प्रतिबंधित करते -
हिवाळ्यात वातावरणात कोरडी हवा असते. यामुळे आपली त्वचादेखील कोरडी होते. पण ब्रोकोलीमध्ये भरपूर अँटीऑक्सिडंट्स आणि व्हिटॅमिन ए असते. यामुळे त्वचेचे आरोग्य सुधारते.
47
शरीराचे वजन कमी करते -
ब्रोकोलीमध्ये फायबर भरपूर प्रमाणात असते. तसेच, त्यात कॅलरीज कमी असतात. रोज ब्रोकोली खाल्ल्याने पोट भरलेले राहते आणि भूक कमी लागते.
57
हार्मोनल संतुलन राखण्यास मदत करते -
हार्मोन्समधील बदलांमुळे मूड स्विंग होतो, ऊर्जा कमी होते आणि पचनाच्या समस्या निर्माण होतात. रोज ब्रोकोली खाल्ल्याने हार्मोनल संतुलन राखण्यास मदत होते.
67
हाडांचे संरक्षण करते -
ब्रोकोलीमध्ये व्हिटॅमिन के आणि अँटी-इंफ्लेमेटरी संयुगे असतात. हे हाडांचे आरोग्य सुधारण्यास मदत करतात.
77
ऊर्जा वाढवते -
ब्रोकोलीमध्ये व्हिटॅमिन बी आणि मॅग्नेशियम असते. हे हिवाळ्यात तुमची ऊर्जा वाढवण्यास आणि थकवा दूर करण्यास मदत करते.
