rosemary tips : स्मरणशक्ती आणि केसांच्या वाढीसाठी फायदेशीर, घरच्या बागेत लावा रोजमेरी, सोपी प्रोसेस

कमी देखभालीत चांगले उत्पादन मिळत असल्याने ही औषधी वनस्पती किचन गार्डनिंगमध्ये लोकप्रिय झाली आहे. त्यामुळे रोजमेरी आपल्या परसबागेत कशी वाढवायची? चांगले पीक कसे घ्यावे? कोणत्या गोष्टींची काळजी घ्यावी? हे जाणून घेऊ.  

रोजमेरी लोकप्रिय

परदेशी पदार्थात वापरली जाणारी 'रोजमेरी' आता आपल्या घरातही लोकप्रिय होत आहे. कमी देखभालीत चांगले उत्पादन मिळत असल्याने ही वनस्पती किचन गार्डनिंगसाठी उत्तम आहे.

कोणती माती चांगली

ही वनस्पती उष्ण हवामानातही चांगली वाढते. बियांऐवजी नर्सरीतील रोप किंवा फांदी लावणे सोपे आहे. पाण्याचा निचरा होणारी वालुकामय माती यासाठी सर्वोत्तम आहे.

कशी लावता येते

रोजमेरी कुंड्यांमध्ये किंवा ग्रोबॅगमध्ये लावता येते. प्लॅस्टिकऐवजी मातीच्या कुंड्या वापरा, कारण त्या अतिरिक्त ओलावा शोषतात. कुंडीला पुरेशी छिद्रे असल्याची खात्री करा.

वैशिष्ट्य काय

रोजमेरीला रोज किमान ६ तास सूर्यप्रकाश हवा. जास्त पाणी देणे टाळा. माती पूर्ण कोरडी झाल्यावरच पाणी द्या. याला कीड लागण्याचा धोका कमी असतो, हे याचे वैशिष्ट्य आहे.

पाणी साचू नये

पावसाळ्यात रोपांवर पाणी साचू देऊ नका. पाने भिजवणे टाळा, यामुळे बुरशीजन्य रोग होऊ शकतात. त्याऐवजी फक्त मुळाशी पाणी घाला.

घरीही लावू शकता

ही वनस्पती औषधी गुणांचा खजिना आहे. स्मरणशक्ती आणि केसांच्या वाढीसाठी रोजमेरीची पाने प्रभावी आहेत. याचा सुगंध घरातील हवा शुद्ध करतो. ही वनस्पती घरी सहज वाढवता येते.