Easy Hacks: उन्हाळा आला की घरातले पंखे, कूलर आणि एसी दिवस-रात्र सुरू असतात. मग महिन्याच्या शेवटी येणारं लाईट बिल बघून धक्काच बसतो. पण काही सोप्या युक्त्या वापरून तुम्ही विजेचा खर्च 30% ते 50% पर्यंत कमी करू शकता. जाणून घ्या याच्या युक्त्या
तुमचं लाईट बिल अचानक वाढलंय का? काळजी करू नका. घरातल्या काही छोट्या चुकांमुळेच बिल जास्त येतं. उन्हाळ्यात आपण एसी आणि कूलर भरपूर वापरतो, पण त्यामुळे आपलं बजेट कोलमडतं. अनेकजण एसी 16 डिग्रीवर चालवून किंवा जुने पंखे वापरून विनाकारण वीज वाया घालवतात. चला तर मग पाहूया वीज बिल कसं कमी करायचं.
26
एसी (Air Conditioner) वापरताना घ्यायची काळजी
अनेकजण एसी 16°C किंवा 18°C वर चालवतात. यामुळे कंप्रेसरवर जास्त भार येतो आणि वीज जास्त खर्च होते. एसी नेहमी 24°C ते 26°C तापमानावर ठेवा. हे तापमान शरीरासाठी आरामदायक असतं आणि वीजही वाचवतं. रात्री झोपताना टायमर लावा आणि महिन्यातून एकदा फिल्टर नक्की स्वच्छ करा.
36
कूलर वापरणाऱ्यांसाठी टिप्स
कूलर बंद खोलीत ठेवण्याऐवजी खिडकीजवळ ठेवा. खोलीत हवा खेळती राहिली (Ventilation) तरच कूलर जास्त प्रभावीपणे काम करतो. हनीकोंब पॅडवर धूळ साचल्यास मोटरवर भार येतो, त्यामुळे ते वेळोवेळी स्वच्छ करा.
घरात LED बल्ब लावा. ते साध्या बल्बपेक्षा 80% कमी वीज वापरतात. जुन्या पंख्यांऐवजी BLDC पंखे लावा, कारण ते कमी विजेत जास्त हवा देतात. दिवसा खिडक्या उघड्या ठेवा आणि गरज नसताना लाईट्स बंद करा.
56
वारंवार दरवाजा उघडू नका
फ्रिज भिंतीला चिकटवून ठेवू नका, किमान 6 इंच अंतर ठेवा. गरम जेवण थेट फ्रिजमध्ये ठेवू नका, कारण ते थंड करण्यासाठी फ्रिजला जास्त वीज लागते. फ्रिजचा दरवाजा वारंवार उघडल्याने आतील थंडावा कमी होतो आणि कंप्रेसरला पुन्हा काम करावं लागतं.
66
वापरात नसलेले प्लग काढून टाका
टीव्ही, कॉम्प्युटर किंवा मोबाईल चार्जर वापरून झाल्यावर बंद केले तरी, प्लग सॉकेटमध्ये असल्यास थोडी वीज खर्च होते. त्यामुळे काम झाल्यावर प्लग काढून टाका. घराच्या छतावर पांढरा रंग किंवा कूलिंग टाइल्स लावल्यास खोलीचे तापमान 4-5 अंशांनी कमी होते, ज्यामुळे एसीचा वापर कमी होतो.
