Oral Cancer आजकाल तोंडाच्या कॅन्सरने ग्रस्त लोकांची संख्या दिवसेंदिवस वाढत आहे. याच पार्श्वभूमीवर, दरवर्षी 20 मार्च रोजी 'जागतिक मुख आरोग्य दिन' साजरा केला जातो.
तोंडाच्या कॅन्सरच्या रुग्णांची संख्या वाढत आहे. 20 मार्च हा 'जागतिक मुख आरोग्य दिन' म्हणून साजरा होतो. गुजरातमध्ये तोंडाच्या कॅन्सरची तपासणी मोठ्या प्रमाणात होत आहे. रिपोर्ट्सनुसार, 2025 मध्ये 3,000 हून अधिक प्री-कॅन्सर प्रकरणं आढळली.
27
जागतिक मुख आरोग्य दिन
'जागतिक मुख आरोग्य दिना'पूर्वी प्रसिद्ध झालेल्या डेटानुसार, गव्हर्नमेंट डेंटल कॉलेज अँड हॉस्पिटलने 2025 मध्ये 3,023 प्री-मॅलिग्नंट डिसीज (PMD) प्रकरणं ओळखली. 2024 मध्ये हा आकडा 2,617 होता.
37
वेळेवर उपचार करणं शक्य
अधिकाऱ्यांनी सांगितले की, नॅशनल ओरल हेल्थ प्रोग्राम (NOHP) अंतर्गत गेल्या वर्षी 20 मार्च ते 20 एप्रिल दरम्यान राज्यव्यापी मोहिमेत 12,915 तपासण्या केल्या. यातूनच ही प्रकरणं समोर आली. यामुळे कॅन्सरचं लवकर निदान करून वेळेवर उपचार करणं शक्य झालं.
तोंड किंवा घशाच्या कोणत्याही भागात, जसं की ओठ, जीभ, हिरड्या किंवा गालात होणारी गाठ म्हणजे तोंडाचा कॅन्सर. तंबाखू सेवन, मद्यपान, एचपीव्ही (HPV) संसर्ग आणि यूव्ही (UV) किरणांचा संपर्क हे प्रमुख धोके आहेत.
57
वारंवार येणारी जखम किंवा फोड हे कॅन्सरचं लक्षण?
तोंडात वारंवार येणारी जखम किंवा फोड हे कॅन्सरचं लक्षण असू शकतं. सुरुवातीला ही एक सामान्य जखम वाटते, पण दोन आठवड्यांपेक्षा जास्त काळ बरी झाली नाही, तर डॉक्टरांचा सल्ला घेणे आवश्यक आहे.
67
वैद्यकीय सल्ला
तोंडात असामान्य पांढरे किंवा लाल (erythroplakia) डाग दिसणं हे कॅन्सर-पूर्व लक्षण असू शकतं. असं काही दिसल्यास लगेच वैद्यकीय सल्ला घ्या. ओठांच्या किंवा हिरड्यांच्या आत गाठ जाणवल्यास तेही कॅन्सरचं लक्षण असू शकतं.
77
क्षणं वेळेत ओळखल्यास त्यावर प्रभावी उपचार करणं शक्य
तोंडाला दुर्गंधी येणं सामान्य आहे. पण जर ही दुर्गंधी सतत आणि असह्य असेल, तर तिचा संबंध तोंडाच्या कॅन्सरशी असू शकतो. ही लक्षणं वेळेत ओळखल्यास त्यावर प्रभावी उपचार करणं शक्य होतं.
