Bangle Makeover: जुन्या काचेच्या बांगड्यांना द्या नवा लुक, फक्त ५० रुपयांत बनवा डिझायनर कंगन!

Bangle Makeover तुमच्या जुन्या काचेच्या बांगड्यांपासून नवीन स्टायलिश कंगन कसे बनवायचे? तुटलेल्या दागिन्यांचा वापर करून फॅन्सी बँगल्स सेट बनवता येईल का? आणि हो, एका साध्या काचेच्या बांगडीला काही मिनिटांत ब्राइडल लुक कसा द्यायचा? चला जाणून घेऊया.

फॅशनचा ट्रेंड वेळेनुसार बदलत असतो. पूर्वी प्रत्येक कार्यक्रमासाठी, लग्नसमारंभासाठी सोन्याचे दागिनेच वापरले जायचे. पण आता त्यांची जागा आर्टिफिशियल ज्वेलरीने घेतली आहे. ही ज्वेलरी केवळ स्टायलिश दिसत नाही, तर तुमच्या लुकला एक वेगळाच टच देते. पण प्रत्येक ड्रेसवर मॅचिंग बांगड्या-कंगनांचा सेट घेणं खिशाला परवडणारं नसतं. मग अशावेळी जुन्या काचेच्या बांगड्यांनाच एक नवा DIY लुक का देऊ नये? या लेखात आम्ही तुम्हाला काचेच्या बांगड्या सजवण्याच्या सोप्या आयडिया सांगणार आहोत, ज्यामुळे तुमच्या साध्या बांगड्यांना एकदम नवा लुक मिळेल. विशेष म्हणजे, हे काम तुम्ही फक्त ३०-५० रुपयांत करू शकता.

काचेच्या बांगड्यांना द्या वेलवेट कंगन लुक

बाजारात वेलवेट बांगड्यांचा सेट कंगनासोबत घ्यायला गेलात, तर कमीत कमी ५०० रुपये मोजावे लागतात. जर तुम्हाला बांगड्यांवर इतके पैसे खर्च करायचे नसतील, तर ६-६ काचेच्या बांगड्या घ्या आणि त्यावर तुमच्या आवडीचं वेलवेट कापड हलक्या हाताने चिकटवा. लक्षात ठेवा, यासाठी हॉट ग्लू गन वापरली तरच ते मजबूत चिकटेल. कापड व्यवस्थित चिकटल्यावर त्यावर छोटे-छोटे मोती, खडे आणि घुंगरू लावून ५-६ तास सुकण्यासाठी ठेवा. बस्स! तुमचा सेट तयार आहे. तुम्ही याला साध्या किंवा हेवी कंगनासोबत स्टाईल करू शकता.

काचेच्या बांगड्यांपासून सिल्क कडा सेट

सिल्क बांगड्यांची फॅशन कधीच जुनी होत नाही. ही एक अशी डिझाइन आहे, जी प्रत्येक ड्रेसवर सुंदर दिसते. या बांगड्या बनवण्यासाठी २-२ काचेच्या बांगड्या ग्लूच्या मदतीने एकमेकांना जोडून थोडं जाड करा. आता त्यावर तुमच्या आवडीच्या रंगाचा रेशमी धागा (सिल्क थ्रेड) हळूहळू गुंडाळा. धाग्याचा रंग आणि स्टाईल व्हायब्रंट असेल याची खात्री करा, तरच लुक छान दिसेल. सजावटीसाठी सितारे, खडे आणि अनकट स्टोन लावा. तुम्ही हा सेट साडी किंवा सूटवर सिंगल पीस म्हणूनही घालू शकता.

काचेच्या बांगडीपासून कंगन कसं बनवायचं?

हा आतापर्यंतचा सगळ्यात सोपा DIY आहे. यात फक्त बांगड्या एकमेकांना जोडून एक सुंदर कंगन तयार केलं आहे. फोटोमध्ये एकाच रंगाच्या बांगड्या आहेत, पण तुम्ही रंगीबेरंगी बांगड्या वापरून त्याला अधिक आकर्षक बनवू शकता. सगळ्या बांगड्या एकाच आकारात ठेवून ग्लू गनने चिकटवत जा. सजावटीसाठी तुटलेले नेकलेस किंवा कानातल्यांचा वापर करा. तुम्ही हे कंगन इतर बांगड्यांच्या मध्ये घालूनही वापरू शकता.

काचेच्या बांगड्यांना द्या मेटल लुक

आजकाल अँटी-टार्निश गॅरंटी नसलेल्या मेटलच्या बांगड्याही २०० रुपयांपेक्षा कमी मिळत नाहीत. पण आता त्या विकत घेण्याऐवजी तुम्ही काचेच्या बांगड्यांपासूनच त्या तयार करू शकता. या DIY साठी तुम्हाला ॲक्रेलिक गोल्डन पेंट किंवा कलर स्प्रे, आणि छोटे-छोटे खडे लागतील. सगळ्यात आधी बांगड्यांना डार्क गोल्डन कलर देऊन त्या सुकवून घ्या. आता त्यावर डिझाइनसाठी हलके टेक्स्चर देऊन ग्लू गनच्या मदतीने खडे चिकटवा.