Credit Card: वापरकर्त्यांसाठी खर्च आणि फी
क्रेडिट कार्ड घेताना त्याचे फायदेच नाही तर भविष्यात येणारा खर्च किती हे देखील माहित असणे आवश्यक आहे.
क्रेडिट कार्ड घेण्याचा विचार आहे का? पहिल्यांदाच क्रेडिट कार्ड घेत असाल तर त्याचे फायदेच नाही तर भविष्यात येणारा खर्च किती हे देखील माहित असणे आवश्यक आहे. कारण कर्ज रकमेबरोबरच हा खर्चही वाढल्यास ते ओझे होऊ शकते. क्रेडिट कार्डमुळे येणारे अतिरिक्त खर्च कोणते ते पाहूया.
व्याज
क्रेडिट कार्डचे बिल वेळेवर पूर्णपणे भरले नाही तर बँका साधारणपणे थकबाकी रकमेवर व्याज आकारतात. हे व्याजदर अनेक व्यवहारांमध्ये खूप जास्त असू शकतात. बऱ्याचदा ते एकूण थकबाकी रकमेच्या एक टक्के पर्यंत असते.
वार्षिक शुल्क
क्रेडिट कार्ड मंजूर करताना बँक त्यावर वार्षिक शुल्क आकारते. वेगवेगळ्या बँकांमध्ये हे शुल्क वेगवेगळे असते. काही बँका मात्र वार्षिक शुल्क आकारत नाहीत. अनेक सुविधा देणारी प्रीमियम क्रेडिट कार्डे सामान्य क्रेडिट कार्डपेक्षा जास्त वार्षिक शुल्क आकारतात.
रोख रकमेसाठी शुल्क
क्रेडिट कार्ड वापरून रोख रक्कम काढल्यास बँका शुल्क आकारतात. एकूण रकमेच्या अडीच टक्के पर्यंत शुल्क आकारले जाऊ शकते.
पैसे भरण्यास उशीर झाल्यास शुल्क
क्रेडिट कार्डची रक्कम भरण्यास उशीर झाल्यास बँका शुल्क आकारतात.
वस्तू आणि सेवा कर
वार्षिक शुल्क, ईएमआय प्रक्रिया शुल्क, व्याज इत्यादी अनेक क्रेडिट कार्ड व्यवहारांवर जीएसटी आकारला जातो. हा कर सुमारे १८% पर्यंत असतो.
विदेशी व्यवहार शुल्क
देशाबाहेरील व्यवहारांसाठी क्रेडिट कार्ड वापरल्यास बँका त्यावर विशेष शुल्क आकारतात. हे एकूण रकमेच्या दीड ते तीन टक्के पर्यंत असू शकते.
)
)
)
)