उलट्या, जुलाब, डिहायड्रेशन, ताप सातत्याने होत असेल तर तुमचे पिण्याचे पाणी तपासा, दुषित पाणी आहे हानिकारक!

Contaminated Water Health Risks And Prevention Tips : उलट्या, जुलाब, डिहायड्रेशन, ताप तुम्हाला सातत्याने येतोय. तुम्ही सारखे आजारी पडता. तर तुमचे पिण्याचे पाणी तपासा. दुषित पाणी पिल्याने अनेक आरोग्य समस्या निर्माण होतात.

दूषित पाणी प्यायल्याने गंभीर आरोग्य समस्या निर्माण होतात. उलट्या, जुलाब, डिहायड्रेशन, ताप यांसारख्या अनेक प्रकारच्या आरोग्य समस्या उद्भवू शकतात. दूषित पाणी प्यायल्याने कोणत्या समस्या होतात, ते जाणून घेऊया.

1. दूषित पाणी प्यायल्याने जुलाब आणि उलट्या होतात, ज्यामुळे शरीरात डिहायड्रेशन (पाण्याची कमतरता) होऊ शकते. याशिवाय पोटदुखी, ताप आणि थकवा येण्याची शक्यताही जास्त असते.

2. दूषित पाणी प्यायल्याने लहान मुले, वृद्ध, गर्भवती महिला आणि रोगप्रतिकारशक्ती कमी असलेल्या लोकांचे आरोग्य बिघडण्याची शक्यता जास्त असते. यामुळे शरीरात डिहायड्रेशन होऊन गंभीर आजार होऊ शकतात.

3. नियमितपणे दूषित पाणी प्यायल्याने दीर्घकाळ टिकणारे आजार होण्याची शक्यता असते. यामुळे तुमचे यकृत आणि मूत्रपिंड (किडनी) खराब होऊ शकते. दूषित पाणी प्यायल्याने कर्करोगाचा धोकाही वाढतो.

4. दूषित पाणी प्यायल्याने जलजन्य आजार होतात. पाणी प्यायल्यानंतर काही वेळातच उलट्या आणि जुलाब होत असतील तर काळजी घेणे आवश्यक आहे. तर काही प्रकरणांमध्ये, पाणी प्यायल्यानंतर काही आठवड्यांनी लक्षणे दिसू लागतात.

5. नेहमी उकळून थंड केलेले पाणी पिण्याची सवय लावा. पिण्याचे पाणी स्वच्छ ठिकाणी साठवावे. घर आणि परिसर नेहमी स्वच्छ ठेवा.