Car Market: टाटा मोटर्स आपल्या नवीन टाटा कर्व्ह ईव्ही मॉडेलवर तब्बल 1.71 लाख रुपयांपर्यंतची मोठी सवलत देत आहे. या ऑफरमध्ये कॅश डिस्काउंट, एक्सचेंज बोनस आणि लॉयल्टी बोनसचा समावेश आहे.
भारतात इलेक्ट्रिक गाड्यांना चांगला प्रतिसाद मिळत आहे. हे पाहून टाटा मोटर्सने ग्राहकांना आकर्षित करण्यासाठी आपल्या टाटा कर्व्ह ईव्ही मॉडेलवर मोठी सवलत जाहीर केली आहे. या ऑफरमध्ये जास्तीत जास्त 1.71 लाख रुपयांपर्यंत डिस्काउंट मिळत आहे. ही ऑफर विशेषतः 2024 मध्ये तयार झालेल्या काही मॉडेल्सवर उपलब्ध असेल. त्यामुळे नवीन इलेक्ट्रिक कार घेण्याचा विचार करणाऱ्यांसाठी ही एक चांगली संधी आहे.
25
टाटा कर्व्ह कार डिस्काउंट
या ऑफरमध्ये अनेक फायदे आहेत. यात कॅश डिस्काउंट, एक्सचेंज बोनस आणि लॉयल्टी बोनसचा समावेश आहे. ग्राहक जुनी कार एक्सचेंज केल्यास त्यांना अतिरिक्त फायदे मिळतील. पण ही सवलत शहर, गाडीचं व्हेरिएंट आणि डीलरशिपनुसार बदलू शकते, असं कंपनीने म्हटलं आहे.
35
टाटा कर्व्ह इलेक्ट्रिक कार
टाटा कर्व्ह ईव्ही ही टाटाची नवीन SUV-कुपे डिझाइनची इलेक्ट्रिक कार आहे. हे मॉडेल एका खास डिझाइनसह भारतीय बाजारात लाँच झालं आहे. ही कार 'क्रिएशन', 'अचिव्हमेंट' आणि 'अथॉरिटी' अशा विविध व्हेरिएंटमध्ये उपलब्ध आहे. तसेच, ही कार 45kWh आणि 55kWh अशा दोन बॅटरी पर्यायांसह येते.
मोठ्या बॅटरी पॅक असलेलं मॉडेल एका पूर्ण चार्जमध्ये सुमारे 500 किलोमीटरपर्यंत धावू शकतं, असं कंपनीने सांगितलं आहे. याशिवाय, गाडीत 12.3-इंचाची टचस्क्रीन इन्फोटेनमेंट सिस्टीम, 360-डिग्री कॅमेरा, पॅनोरॅमिक सनरूफ, वायरलेस चार्जिंग आणि ADAS सारखे अनेक आधुनिक सेफ्टी फीचर्स दिले आहेत.
55
टाटा कर्व्ह फीचर्स
किंमतीबद्दल बोलायचं झाल्यास, टाटा कर्व्ह ईव्हीची भारतातील एक्स-शोरूम किंमत सुमारे 17.49 लाख ते 22.24 लाख रुपयांपर्यंत आहे. सध्याच्या डिस्काउंट ऑफरमुळे ग्राहकांना हे मॉडेल कमी किंमतीत खरेदी करण्याची संधी मिळत आहे. ऑफर्स ठिकाण आणि डीलरशिपनुसार बदलू शकतात, त्यामुळे संपूर्ण माहितीसाठी जवळच्या टाटा शोरूमशी संपर्क साधा.
